GIPATUBAG sa kapulisan ang usa ka abogada human makuha ang mga edidensya ngadto sa iyang balay nga maoy unod sa gipagula nga search warrant sa korte niadtong Biyernes, Hunyo 28.
Gihulagway ang abogada nga si Attorney Apple (bansagon gitago), taga Solariega Plantacion, Talomo, Davao City atubangan sa mga armas ug mga bala nga nakuha gikan sa iyang panimalay.
Subay sa report gikan sa Police regional Office (PRO)-Davao Region, ang search warrant gipagula ni Judge Oscar P. Noel Jr., sa RTC Branch 38 Justice on Wheels, sa Alabel, Sarangani Province.
Ang search warrant number 19-52-JOW, 19-53-JOW ug 19-54-JOW batok kang Attorney Apple ug sa mga sakyanan nga Black Mazda Pick-up nga adunay plate number LAB 9287 ug Black Fortuner dunay temporary plate number A7H023.
Nakuha sab sa panimalay sa abogada ang mga nagkadaiyang pusil ug mga buhing bala.
Giandam na sa kapulisan ang mga tukmang kaso nga ipasaka batok sa abogada didto sa korte.