NASUGAMAK ang Gilas Pilipinas Youth sa 85-69 nga kapildihan batok sa host Greece sa labing una niining tahas sa 2019 Fiba Under-19 World Championship kagahapon sa Heraklion Indoor Sports Arena sa Athens.
Gipahimuslan sa Greece ang natay-og nga mga halagi sa Gilas Youth sa ilawom nga bahin aron pagmugna og agianan paingon sa 16 puntos nga kadaugan.
Ang Fil-Nigerian nga usa sa mga pambato sa Gilas Youth nga si AJ Edu nakasinati og angol sa iyang tuhod sa sayong bahin pa lang sa 1st quarter.
Si Edu dili na makabalik og duwa sa torneyo tungod kay nakasinati kini'g torn ACL.
Hinuon bisan pa niini, ang Gilas Youth nakasukol lang gihapon og insakto ug nakatabla pa kini sa 2nd quarter, 43-43.
Apan sa pagpadayon sa kombati, ningpatigbabaw gyud ang tatawng bintaha sa puwersa sa Greece.
Ang Gilas Youth gipangulohan sa batan-ong higante nga si 7’2” Kai Sotto pinaagi sa iyang 13 puntos ug 10 rebounds, nidugang sab og 13 puntos si Gerry Abadiano unya niamot og 12 puntos si Dave Ildefonso. (ESL)