ORMOC CITY, Leyte - Bisan pa og nag-uwan, apan wa kapugngi ang mga tawo sa pagtan-aw sa Ormoc City Fiesta Culminating Concert sa Ormoc City Plaza nga nagsugod sa alas 7:00 sa gabii niadtong Sabado, Hunyo 29.
Ang inilang mag-aawit nga si Bamboo maoy nag-unang nilingaw sa katawhan ug nakapadugang sa kalingawan ang dahang front acts sama sa mga kopmedyante ug uban pa.
Si Police Colonel Armel Gongona niingon nga naa sa kapin 30,000 ang mga nisaksi sa maong aktibidad.
Gipailaila usab pagbalik ang top 5 sa Miss Ormoc 2019 para niadtong wala makakita sa Miss Ormoc City sa miaging Biyernes sa gabii, Hunyo 28.
Mga pasado alas 8:00 nagsugod na sa pagtaligsik apan dali nga nakaabli sa ilang mga payong ang mga nanan-aw.
Ang uban nipasilong lang sa tent nga gibutang sa LGU Ormoc.
Wa nabungkag ang pundok sa mga tawo hinuon mas nisamot pa kini og kadaghan sa pag abot ni Bamboo.
Kauban niini si Ormoc City Mayor Richard Gomez, Cong. Lucy Torres - Gomez, anak nga si Julliana ug ubang opisyal sa LGU ingon man mga miyembro sa Fiesta Executive Committee.
Usa sa gihangyo ni Mayor Gomez sa mga nanan-aw nga dili magpataka sa paglabay sa basura ug pabiling limpyo ang dakbayan human sa concert.
Gisunod dayun ang countdown sa fireworks display.
Migrabe ang syagit sa mga tawo sa dihang nigawas na ang giatangan nga si Bamboo nga misugod sa pagkanta sa iyang mga sikat nga awit.
Matod sa kapulisan, generally peaceful ang Ormoc City gikan sa pagsugod sa mga aktibidad hantud sa adlaw sa fiesta.
Sa laing bahin, ang Miss Ormoc City 2019 gipahigayon sa Ormoc City Superdome niadtong Hunyo 28.
Napili nga Miss Ormoc City 2019 mao ang 20 anyos nga BS Development Communication graduate nga si Aura Shaznay Tumulak.
Usa si Tumulak sa 20 ka kandidata nga daghan ang fans atol sa koronasyon.
Si Tumulak usab ang nakadaog sa Best in Evening Gown.
Nahugyaw ang Ormoc City Superdome atol sa question and answer portion diin han-ay ug klaro nga gitubag ni Tumulak ang pangutana.
Kini ang pangutana: What do you think an Ormocana a world class woman?
Ang winning answer ni Tumulak: “I believe what makes an Ormocana a world class woman is her readiness to face the challenges amidst everything. She is someone that is ready and she is bigger than Ormoc. She is someone that is smart, skilled and talented. And she is someone that is willing to work with the Local Government Units and to other Non-Government Organizations in pushing through with her advocacy because an Ormocana is a woman with a purpose”
Sa exclusive interview sa Superbalita Cebu kang Tumulak human sa koronasyon, nalipay siya ug nagpasalamat sa mga nisuporta kaniya.
“I’m very happy and I’m very overwhelmed and I thank everyone for the support and guidance that they have given me. This couldnt have without a lot of peoples help,” matof ni Tumulak.
Giangkon ni Tumulak nga pressure sab sa iyaha ang pagkadaog kay siya usab ang himuon nga representative sa Ormoc sa Miss Philippines World.
“There is pressure but it something that hasn’t happen yet so I’m gonna cross the bridge when I get there,” matod ni Tumulak.
Nadawat ni Tumulak ang premyo nga P100,00.
Miss Photogenic ug Best in Swimsuit si Jeska Capahi; Miss Congeniality si Joice Commendador; Netizens Choice Award si Jhoanna Marie Tismo ug Fashion Designer Award si Queency Ea Alilin. (JKDP)