MANILA – Adunay special place sa kasing-kasing ni Miss Universe 2018, Catriona Gray ang nasud nga Thailand tungod kay didto siya gikoronahan last year sa Ms. Universe.
Puno sa pagdayeg si Catriona kon pangutan-on siya mahitungod sa maong nasud diin sikat na sikat sad siya didto.
Nibalik og usab si Catriona sa Thailand para mag-judge sa Miss Universe Thailand sa milabayng gabii.
Kung tutuusin, dapat ang Miss Universe Thailand 2018 nga si Sophida Kanchanarin (nga nakauban pa sa Top 8 sa Miss Universe 2018) ang motaod sa korona sa bag-ong mananaog apang bugtong si Catriona ra maoy nihimo sa maong tahas.
Makita nga super proud ang Miss Universe Thailand nga si Jennifer Paweensuda Saeta-Droin ug gipahigayon ang coronation sa bonggang Thunder Dome sa Bangkok.
Midaug sad si Saeta-Droin sa Best in Swimsuit og Best Perfect Poses sa preliminary competition.
Six feet tall ang maong kandidata nga Thai/Canadian og usa ka model ug disk jockey.
Second attempt na kini ni Saeta-Droin sa Miss Universe Thailand kay nisalmot siya kaniadtong 2017 diin na-second runner-up lang siya.
Kaniadtong 2017, usa sab siya nga candidate sa Miss Earth nga gipahigayon sa Manila og nakauban siya sa Top 8.
Nahibaw-an nga natawo sa Quebec, Canada si Fahsai ug one more thing Summa Cum Laude sa BS Kinesiology sa University of Calgary.
Siyempre kon way kakulian si Saeta-Droin jud ang mo-represent sa Miss Universe nga ipahigayon this December og atong atangan kung unsa ang mamahimong kapalaran ni Jennifer Paweensuda Saeta-Droin sa maong gikahinaman nga pageant.