PADAYON nga mikulit sa kasaysayan sa teen pageant ang mga Cebuana beauties human sa back-to-back nga kadaugan sa Teen Princess of the World.
Nakuha ni Jashley Murro Van Hemelen ang maong titulo alang karong tuiga diin iyang gisundan ang laing Cebuana nga 2018 winner nga si Keena Shanelle Allison Sularte.
Ang 13 anyos nga si Hemelen mao miguwa nga winner sa 39 ka mga teen candidates atol sa finals niadtong Hunyo 24, didto sa Albena Resort Varna, Bulgaria.
Nakuha sab sa Filipina-Belgian ang special awards nga Best in National Costume ug Albena Resort Choice Award.
Samtang ang National Director sa Glamore Productions, Maan Cueto Aris maoy nangulo sa delegado sa Pilipinas didto sa Bulgaria.
Ang kampo ni Hemelen mapasalamaton sa iyang glam team nila ni Sam Hernandez dela Vega mi-atiman sa iyang hair and make-up, gowns courtesy of The House of Ozar Danny Booc, national costume - Lyndon Adolfo ug talent coach - Ervin Demape. (FVQ)