NAHIMONG emosyonal ang pagpadangat ni outgoing Quezon City Mayor Herbert Bautista sa iyang term-end report ug valedictory address niadtong Hunyo 28.
Samtang re-elected Ormoc City Mayor Richard Gomez gi-alirongan sa iyang pamilya atol sa oath taking ceremony, kagahapon Hunyo 30.
Sila si Bautista ug Gomez pulos mga actor-turned-politician.
Wa makapugong ang mga empleyado sa Quezon City Hall, Metro Manila sa ilang emosyon sa pagpanamilit sa ilang mayor sud sa siyam ka tuig, ug hulipan si Bautista ni Mayor Joy Belmonte, taho sa Abante.
Sa laing bahin, si Gomez didto sa dakbayan sa Ormoc nanumpa atubangan ni Judge Gerlie Borrel-Yu.
Ang mayor inubanan sa iyang misis nga si Cong. Lucy Torres maoy nagbitbit sa Holy Bible samtang ang ilang unica ija nga si Juliana maoy nagkupot sa kopya sa iyang oath. (Dugang taho ni John Kevin D. Pilapil)