TAUDTAOD na gyud ang atong pag-antos dinhi sa Sugbo niining mas mahal nga gasolina kon itandi sa presyo didto sa kaulohan ug sa Syudad Davao.

Nagtuo ang mga Sugboanon nga gibi-nuangan kita sa mga dagkong kompanya sa lana.

For updates from around the country, follow Sun.Star on Twitter

Apan sa pagsusi ni Customs District Collector Ronnie Silvestre, iyang nasuta nga ang hinungdan mao ang kakulang sa mga oil depot dinhi sa Sugbo.

Gamay ra kaayo ang mga oil depot nga naa karon dinhi sa atua kon atong itandi mga oil depot didto sa Batangas ug sa Davao.

Tungod niini, direk-tang moadto ang mga tanker nga nagdala og mga oil import.

Ang alang sa Sugbo kinahanglan pa gyud nga isakay og laing barko gikan sa Batangas.

Sa pangutana nga-nong wa nato gidungagan ang atong mga oil depot sa Sugbo, giingon nga resulta kini sa kampanya sa mga environmentalist.

Akong nasabot nga gisusi kini ni Coll. Silvestre sa tinguha nga moumento ang collection sa Bureau of Customs dinhi sa Sugbo.

Dako na baya kita og kunsomo sa mga produkto sa lana.

Kon gusto natong mahimong barato ang presyo sa lana, dugangan gyud nato ang atong mga dagkong tangke alang sa lana. Kon kulang kita niini, aw kita ra sab gyud ang mag-antos sa mas mahal nga presyo sa lana.

COMPUTER

Dugay na man unta ang computerization sa bureau, apan dunay programa karon si Silvestre nga makapahi-mong mas efficient sa proseso sa pagkwenta ug pagbayad sa mga tuk-mang buhis diha sa bureau.

Inig bwelo na niini, gipaabot nga mahimong mas paspas ug transparent ang proseso gikan sa import entry ngadto sa assessment hangtod nga moabot ni Commissionar Boy Morales.

Pinaagi niini, wa nay kinamot nga pagkwenta.

Atong nahibaw-an nga tipik lang kini sa mga gipangbuhat na ni Sil-vestre.

TRUTH IN ADS

Pasayloa lang ko, mga tigsuporta ni Sen. Manny Villar, apan mag-hisgot ako karon kabahin niining iyang mga com-mercial.

Mahalon man gyud kining mga advertising agency nga nagbuhat niini apan wa gyud makita nga daw namakak kini sa pag-insister nga binayran sa mga higala ni Villar.

Apan di ba niingon man si Villar nga iyang kaugalingong kwarta ang iyang gigasto?

Asa man niini ang bakak? Ang gipamahayag ni VIllar o ang iyang mga commercial?

Sa laing commercial, niingon sab si Villar nga kon gusto siyang magpa-dato, mobalik na lang siya sa negusyo.

Apan di ba wa man siya mo-divest sa iyang pagkalambigit sa negus-yo? Kaniadtong aktibista pa ko, gitawag namo kining burukrata kapi-talista.