NAKURAT ko sa eviction night sa Pinoy Big Brother Otso niadtong Dominggo kay si “Gino” ang natangtang unya ang komedyanteng si “Wealand” ang kinadak-an sa text votes.
Pareho gihapon ni sa PBB batch 1 (Lei) ug batch 2 (Fumiya ug Yamyam) nga puros mga komedyanteng housemate ang nanghawod.
Ang katapusan nilang Big Winner sa PBB Lucky 7 nga si Maymay Entrata komedyante.
Ang ilang mga co-host nga silang Melai Cantiveros (PBB Double Up Big Winner) ug Kim Chiu (PBB Teen Edition 1) komedyante.
Unsa pa ma’y pus nga magpasud sila og mga tambokikoy ug seryuso nga mga housemate kon ang gusto sa crowd mga komedyante ug mga guwapo’g gwapa ra diay.
Sa sunod ingna si Kuya maghimo na lang sila og PBB comedy edition aron klaro!
Starstruck
Tinuod ni nga way taga-Cebu nga nakasud sa Top 14 sa StarStruck sa GMA-7?
Duna kunoy Cebuana apan kutob ra sa Top 22. Mao diay kulelat sila sa rating sa Cebu.
Hain man kahay maayo sa sunod himuon nang regional search ang StarStruck.
Bale ang kada-winner sa 17 ka regions maoy matigi sa grand finals.
Sa maong paagi masiguro nga duna gyuy sure audience ang StarStruck gikan sa matag-rehiyon ug aron sad di magmika ang ratings uy.
mMokita kaha?
Nakauyon ko aning gihimo sa ABS-CBN nga adto manguha og artista sa GMA.
Maorag nagsugod ni kang Dingdong Dantes sa horror movie nga Segunda Mano kauban silang Kris Aquino ug Angelica Panganiban.
Gisundan ni Jennylyn Mercado ug John Lloyd Cruz sa “Just The Three of Us” niadtong 2016 ug kadtong Coco Martin ug Vic Sotto sa miaging MMFF movie.
Pero sa tanan kining Kathryn Bernardo-Alden Richards tandem ug Maine Mendoza-Carlo Aquino maoy usa ka dakong sugal sa ABS-CBN.
Mokita kaha ni? Unsay tan-aw ninyo mga suki? Motan-aw mo? Maorag di nako feel. Huhu...