DEAR Noy Kulas,
Maayong adlaw kanimo. Tawga lang kog Ms. Virgo, 25 years old. Ang akong problema mahitungod sa akong uyab nga magsige lang og ka late sa bisan unsa namo nga lakaw.
Bisan nanguyab pa siya nako, ma-late siya og at least 30 minutes to one hour. Ako lang gipabigyan kay mamawi man sab. Grabe ang among kaon ug uban basta ma-late siya. Ako na siyang gitangdo ug nagtuo ko nga mausab ra siya. Nasayop na man hinuon ko kay nigrabe. Dunay mga higayon nga iyang I-cancel among lakaw kay nag overtime sila og work. Makalagot, di ba, Noy Kulas?
Ako na siyang gipangutana ani. Ni-explain siya nga nag-aim siya og position sa ilang trabaho. Pero bisan na, di unta siya mag-alig alig og date unya I-cancel ra. Nagduda na hinuon ko nga duna siyay laing reason pero wa lang siya mosulti. Nagduda ko naa siyay lain. Buwagan ko na ba lang kaha siya?
MS. VIRGO
Ms. Virgo,
Kon iya na gyud nang batasan kaniadto pa, ayaw na lang kahibung kon siya ma-late kay naandan na man na niya. Sa ato pa, kon alas 8 sa gabii ang sabot, adtog alas 9 aron di ka lamukon og pinaagi kay mao na man kahay nay iyang naandan. Kana di ka na saputon og pinaabot niya.
Kanang 11th hour cancelation lain na sab na nga estorya. Kon pirme na sab, mas maayo pang wala. Kon gusto kang putlon na once and for all, ingna siya nga di na ka makaagwanta nga kanunay na lang na mahitabo. Lisod na kon bisan minyo na mo, mao lang gihapon na ang mahitabo. Daghan na sa mga hitabo nga ingon niana nga maka strain og relationships. Mao na nga di malikayan ma-frustrated ka, unless mo-adjust na sab ka.
Let him explore og laing work opportunities kay sa kanunay ma-sacrifice ang inyong mga lakaw. Labina kon kamo ang magkadayon o magkaminyo mahimo nang dako nga isyu. Lisod na kon modako ug mahimong tunok sa inyong pamilya. Mahimo nang ma-tolerate karon, apan sa umaabot di na sab nimo maagwanta. Kon di maplantsa, ngano diay kon magbuwag mo og dalan?
NOY KULAS