SECTIONS
Friday, September 20, 2019
SUPERBALITA CAGAYAN DE ORO

Todino: Pride March nanakod na pag-ayo

Pro Bono

SUKAD gitugot sa Estados Unidos sa Amerika kining same-sex marriage, nagtakod-takod na usab ang pagsagop sa ubang nasod sa kalibutan.

Unya, nidako ang kausa sa mga gitawag og LGBT kining pundok sa mga laken-on, bayot, transgender ug bisexual.

Timan-i nagkalapad ang ilang kalihokan. Niadtong Sabado, kapin sa 70,000 ka mga LGBT ug ilang mga supporters ningsalmot sa March Pride didto sa Marikina City.

Ilang siyagit nga hatagan ug equality ug tratahon sila sa katilingban sama sa normal nga babaye ug lalaki.

Dinhi sa atua, gihimo ang Pride March niadtong Desiyembre ug daghan usab ang ningsalmot. Kuyaw!

Dunay daghang panghunahuna bahin sa LTGBT ug kining pagtugot sa same-sex marriage. Apan, klaro ang baruganan sa Ginoo bahin niini.

Sa Leviticus 18:22 “Dili ka maghigda tipon sa lalake, sama sa paghigda tipon sa babaye: kini gidumtan sa Dios.”

Roma 1:26 “tungod niining maong hinungdan gitugyan sila sa Dios ngadto sa mga pangibog nga makauulaw. Ang ilang mga kababayen-an nanag-usab sa kagamitan nga tiunay sa ilang pagkababaye ngadto sa kagamitan nga supak sa kinaiya.”

I Corinto 6:9-10 “Nasayud ba kamo nga ang mga dili matarung dili makapanunod sa gingharian sa Dios? Ayaw kamo pagpalimbong: walay mga makihilawason, o mga tigsimba ug mga diosdios, o mga mananapaw, o mga bayot, o mga kawatan, o mga dalo, o mga palahubog, o mga tigpasipala, o mga tulisan, nga makapanunod sa gingharian sa Dios.”

Wala sa plano sa Ginoo nga dunay LGBT. Sa sinugdan, gibuhat lamang niya ang lalaki ug babaye. Apan, nahugawan na pag-ayo ang kalibutan tungod sa sala ug nanggawas na kining depekto, dili lang sa mga hayop, tanom, bisan na gani sa tawo.

Katarungan sa uban, natawo na sila nga ingon niana busa ila nalang dawaton ang kamatuoran ug magpakabuhi nga usa ka bayot o tomboy.

Si anhing Senadora Miriam Defensor miingon nga mas maayo pa kining mga hayop kay dili makighilawas sa ilang kaparehas og sex.

Tanang tawo dunay depekto sa kaugalingon tungod kay gipakatawo kita sa kalibutan nga namansahan sa sala.

Apan, kon tinguha gyud nga mausab ang kaugalingon dili kana imposibli kay mahimo sa Dios ang tanan kon moduol ka kaniya.

Subo lang kay mas gipalabi niining LGBT pagduol sa gobiyerno aron mahatagan sila og kaangayan kay sa pagduol nila sa Dios.

Katungod nila ang pagpili, katungod nila ang pagpabilin nga ingon niana apan wala silay katungod sa pagpatugbaw sa ilang kausa nga nasubay kini sa kabubot-on sa Ginoo.

Si Pedro pay paingnon “Kinahanglan maoy among unahon pagsugot ang Dios inay ang mga tawo,” Acts 5:29.

Respetohan nato kining tinguha sa LGBT, kining giduso nga same-sex marriage tungod kay ila kanang katungod apan dili sabton nga miuyon ta kay mas gipalabi nato ang baruganan sa Dios.

Taliwa niining tanan, hangtod karon wa gyud ta makakita nga nag-rally ang mga pari, pastor, mga ministro ug madre pag-alkontra sa kalihukan sa LGBT. Nagpasabot ba nga gisupotahan sab nila ang baruganan nga supak sa Dios?


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph