PENDING ang programang Misamis Oriental Care System sa Kapitolyo Probinsyal human nga ang Misamis Oriental usa sa probinsya nga napiling pilot sa pagsugod sa Universal Health Care Law nga bag-o lang nipasar nga balaod.
Kini ang gibutyag ni Misamis Oriental Governor Bambi Emano atol sa pagpanumpa niini niadtong adlawng Huwebes sa Tagoloan, Misamis Oriental.
Matud ni Emano nga dili mahimong ma-duplicate ug mabangga sa maong balaod kay ang mahitabo masibog kini.
"We might suspend pending sa study sa Universal Health care law. Dili pwede nga ma-duplicate kay naay areas nga you re-train people, naay protocol, naay proseso," butyag ni Emano.
Dugang niini nga mapugos siya nga masibog kini kung magbangga ang maong programa.
"Akong iampo na dili mabangga sa universal health care kay kung mabangga sa UHCL ako isibog ang MisOr Cares," dugang ni Emano.
Gibutyag sab niini nga nalipay sab siya nga ang probinsya napili nga lalawigan nga maoy pilot province sa pagpatuman niini.