DEAR Noy Kulas,

Good day nimo, Noy, ug sa imong avid readers. Noy, ikaduha na man ni nako padala sa imoha. Maayo man gud ka motambag. Karon nia na usab ko magpatambag nimo. Tawga lang ko og Anne, 24, nagpuyo sa abroad.

Ako problema, Noy, is my sister. She is 19 yrs. old. Akoy naggasto ni niya pagpaeskwela. Ako ni siyang gipatungha sa usa ka sikat nga university diha sa atoa. Karon, Noy, wa man siya magtarong sa iyang study. Nagbinuang man ug nag uyab-uyab man unya didto pa gyud niya gipakatulog ang lalake sa apartment.

For updates from around the country, follow Sun.Star on Twitter

Wa man unta ko nagdili niya nga mag-uyab-uyab. Sakit kaayo, Noy, pagkahibawo nako nga nagdulog sila sa iyang uyab. Why nakahibalo ko?

Tungod sa akong brother kay nagtipon raman sila og puyo sa apartment. Unya akong brother nakamatikod daw siya nga nag-sex daw sila ang ako sister ug iyang bf.

Kahibawo ka, Noy, pirmi lang siya mamakak nako. Naay time nga nangayo siya nakong kwarta kay nakasala daw siya sa school. Nakabuak siya og test tube. Unsa ba diay nga wala man niya gibayad. Gibayad niya sa iyang summeranan kay naa man siyay failed nga usa ka subject.

Unya wa gyud siya ni tell nako nga naa siyay failed. Diha na ko nakahibawo sa iyang classmates. Time nga magkinahanglan siya og kwarta ako gyud dayon siyang padad-an.Tanan akong gihatag niya kon unsa man ang iyang kinahanglanon.

Noy, naa man koy gamay nga negusyo diha. Unya siya ang akong gipa-manage kay naa man ko sa gawas. Unsa ba diay, Noy, nga gamiton man niya ang uban nga kawarta nga abot sa negusyo. Unya kon pangutan-on sige lang og ambot. Wa gyud koy salig sa iyaha.Giabusar ko niya. Maayo pa man ang mga kabos kay maghunahuna man sa ilang pagtuon.

Mao ni akong pangutana, Noy: Ipadayon ko pa ba ang paggasto sa akong sister nga giabusaran naman gyud ko og maayo? Unsa man ang akong buhaton, Noy, nga maka-recover na ko sa iyang gibuhat sa akoa? Sayop ba diay ang pagbadlong sa usa ka igsuon?

Sakto ba ning akoang decision nga mohunong na ko sa paggasto sa akong sister? Kahibawo ka, Noy, concerned lang ko sa akong sister nga di madisgrasya. Basin pabuntisan lang unya siya, sayang kaayo akong gasto . Di ba, Noy? I hope imo kong matambagan as soon as possible. Noy, I need your advice now please. Mag-wait ko sa imong reply. Salamat daan, Noy.

ANNE24

Anne24,

Maayong adlaw kanimo ug sa akong tanang readers, bisan diha sa abroad.

Dunay mga higayon nga sakit alang kanato ang pagbuhat sa ingon. Apan we have to do it kay mas makaayo kini nila. Sama sa imong manghod nga padayon mong gisuportahan. Una, nagtuo siyang okay ra ang iyang gibuhat kay wa gud ka masuko. Ikaduha, dependent siya nimo bisan dako na siya. So, mag-create kini niya og katapulan ug kataspok.

Di siya maka-realize sa sayop nga iyang nabuhat ug magtuo siyang ang kuwarta sayon ra kaayong pangitaon. At least maka-realize siya nga di diay sayon ang kinabuhi.Sama sa bata, kinahanglan silang makat-on sa paglakaw nga ilaha ra. Kon padayon nato silang agakon, di gyud na sila makat-on paglakaw o pagpanginabuhi.

Kana is for her own good man pud.

NOY KULAS