Milangoy’g medalya

ANG mga manlalangoy sa Davao City, Ivo Nikolai Enot ug Liaa Margarette Amoguis, mikolekta og upat ka silver medals ug usa ka bronse, diin ang Team Philippines mihakot sa walo ka bulawan, 13 ka plata ug siyam ka bronse sa pagtapos sa 43rd Southeast Asia Age-Group Swimming Championships, Dominggo sa Morodok Techo Stadium sa Phnom Penh, Cambodia.

Si Enot, 13, estudyante sa Collegio de San Ignacio, miangkon og duha ka silver ug usa ka bronse.

Mioras siya og 29.86 seconds, ikaduha ni Vietnamese champion Tran Tuan Anh Mai (28.92) sa boys 13-under 50-meter backstroke samtang si Yong Jie Yap (30.21) sa Malaysia miangkon sa bronse.

Sa boys 13-under 100m backstroke, si Arafura Games 2019 triple gold medalist Enot (1:04.20) nabutang sa ikaduha ni Tran Tuan Anh Mai (1:02.38) sa Vietnam samtang si Yap (1:05.18) mipauli sa bronse.

Ang Dabawenyo nangharus sab sa boys 13-under 200m backstroke bronze diin mirehistro siya og bag-ong national record nga 2:20.61.

“My performance in Sea-Age was great. I got one of my achievements and that was the time that I broke the record, but sad to say I didn’t break the other two records but I’m happy naman,” ni Enot sa SunStar Davao sa Facebook interview.

Gidalit niya ang iyang medalya sa Ginoo, ginikanan ug coaches Haroon Cali ug Evien Pajarito, lakip na ubang sakop sa SEA Age-Group swimming coaches.

“I want to thank my family, cousins and my classmates for their full support and my trainors who also supported me and trained me well and especially God who gave me this kind of blessing,” dugang niya.

Samtang ang 12-anyos nga si Amoguis sa Abba’s Orchard mibulsa og duha ka silver sa girls 13-under 200m butterfly ug 400m individual medley (IM) events.

Mioras siya og duha ka minutos, ug 29.81 segundos luyo ni Vietnam’s Al My Dang nga mioras og 2:23.05.

Si Amoguis, malipayon sa nakuha niyang dungog, dungan sa pagsulting, “I am proud of my performance this SEA Age because its been almost a year and most of my past competitions have been complicated and stressful, but after those training, being healthy, cries, and pain I think it was worth the effort of achieving and accomplishing.”

Dugang niya, “This is for God, first I want to thank him for answering my prayers. Second is my family who had taught me to never give up on my dreams. Third is my coach who made me the athlete I was meant to be. Of course the fourth is for the president of PSI, Tita Lani, she deserved those medals after loving us equally.”

Samtang si coach Cali ang mapasigarbuhon sab kaayo sa iyang manlalangoy.

“They put up a good performance. I am always proud of them.”

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph