NAKAPIYANSA alang sa iyang temporaryo nga kagawasan ang usa ka abogada kinsa nasikop human nakuhaan og daghang armas ug duha ka mga sakyanan nga maoy unod sa gipagula nga search warrant sa korte niadtong Biyernes, Hunyo 28.
Sumala ni PRO-Davao spokesperson Police Major Jason Baria nga nakapiyansa ang abogada niadtong Biyernes samtang temporaryo kining gikustodiya sa Talomo PNP.
Kahinumdoman nga gihulagwayan ang abogada nga si Apple (bansagon gitago), taga Solariega Plantacion, Talomo, Davao City atubangan sa mga armas ug mga bala nga nakuha gikan sa iyang panimalay.
Subay sa report gikan sa Police regional Office (PRO) Davao Region, ang search warrant gipagula ni Hon. Judge Oscar P. Noel Jr., dunay Lifetime IBP # 00292 sa 11th Judicial Region, sa RTC Br. 38 Justice on Wheels, sa Alabel, Sarangani Province.
Nakuha sab sa panimalay sa abogada ang mga nagkadaiyang pusil ug mga buhing bala. (Jeepy P. Compio)