DIRIYOT mahug ang usa ka bus nga pasahero ngadto sa dagat sa Danao City niadtong Dominggo human kini molikay sa gikasugat nga awto.
Si SPO1 Renante Manulat of the Danao City Traffic Section niingon nga ang Ceres bus nga gimaneho ni Julito Torremucha mao pa lay pag-abot sa Barangay Sabang mga alas 6:15 sa gabii.
Sa wa pa kini moabot sa Mitsumi factor, usa ka Mitsubishi Gallant Colt nga gimaneho ni Crozyvil Areglado ni-left turn ug nisud sa lane.
Si Manulat niingon nga ang kalit nga pagliko nakapakugang kang Torremucha ug nisuway sa paglikay niini.
Ang bus niigo sa tuo nga atubangang bahin sa awto.
Tungod sa impact, si Torremucha niliwag sa bus ngadto sa tuo.
Tungod sa iyang kakusog nilahos siya sa gutter dayon nibangga sa usa ka cottage nga gama sa nipa, kawayan ug lubi.
Matod ni Manulat nga suwerte kaayo nga bisan Dominggo way nag-ukopar sa cottage niadtong higayuna.
Ang tag-iya sa cottage nga si Remigio Castro nibana-bana sa danyos nga P40,000.
Si Manulat nidugang nga ang bus gikan sa North Bus terminal ug padung sa Daanbantayan nga dunay sakay nga 20 ka mga pasahero.
Pipila sa mga pasahero nakaangkon lang og gamay nga samad apan pamilya ni Bernadette Pepito, 50, nipahiling gyud kaniya aron maneguro.
Kay wa may naunsa ug namatay, si Torremucha wa gipriso.
Nipadala ang bus company sa ilang kaugalingong heavy equipment aron pagkuha sa bus samtang laing bus nikuha sa mga pasahero ug nidala kanila sa destinasyon.
Nagtuo si Manulat nga masabotsabotan ra ang hitabo kay ang pamilyang Pepito niingon nga ilang gikuha ang mga resibo samtang mga representante nila ni Torremucha ug Areglado nangayog police reports sa insidente. (MEA sa Sun.Star Cebu)