Emano posibleng mag-mayor sa Cagayan de Oro sa 2022

USA sa gikonsidera ni Misamis Oriental Governor Bambi Emano nga posisyon kung matapos iyang katapusang termino isip gobernador sa probinsya mao ang pagpapili pagka-mayor sa siyudad sa Cagayan de Oro.

"Mayorship is part of the option i have to be honest, tipik na sa among pagahukman uban sa partido sa PaDayon Pilipino," matud ni Emano ug miingon nga sayo pa lamang kini kaayo kung hisgotan ug daghan pa sa kauban sa partido nga angayan sanguan niini.

Labina ang unang nagpapili nga si Pompee La Vina mga kapitan ubos sa PaDayon Pilipino nga dako gihapon og pagsalig sa ilang liderato dinhi sa siyudad.

Makaduha sab nahisgotan ni Emano si Cagayan de Oro Second District Representative Rolando Klarex Uy nga lakip sa sanguan.

Wala man niini gikumpirma ang posibleng alyansa nila apan gipasabot niini nga gahinabi sila niini matag karon ug unya.

Daw maklaro kining tanan usa ngadto duha ka tuig gikan karon hilabina dahan pa ang angayan nga sanungan kalabot niini.

"Depende sa political ally kay naa man si Mayor Pompee ug Congressman Klarex ug naay mga kapitan nga nagpabiling loyal sa Cagayan de Oro but that with part of the discussion in two years from now," matud niini ug midugang nga kaatban man sila ni Uy sa pulitikanhon apan maayo ilang relasyon.

Related Stories

No stories found.
SunStar Publishing Inc.
www.sunstar.com.ph