NAHATAGAN katumanan ang usa sa pangandoy ni Police Lieutenant Colonel Surki Sereñas nga makalead sa usa ka istasyon sa kapolisan taliwala paman nga ang pagpamamaba ug pagsulat og balita ang lakip sa iyang gikahiligan.
Matud ni Sereñas sa SunStar Superbalita nga wala kini niya gidahom kay uwahi siya gihibalo nga ibalhin na diay siya sa Valencia City.
Gani gipaapas lang siya didto sa probinsya ug didto niya nahibaloan iyang order nga magsugod na siya isip bag-ong hepe.
"Nalipay ko nataagan tag break although first love nako ang journalism ever since elementary to academy, gaapil nata ug naay calling nga field, nasulod man ta sa PNP nga ga-engage atong interest para matabangan ang oragnization. This is new challenge and I will see to it nga mahimo nato ang mandated task nga gisangon kanato sa atong Regional Director," matud ni Serenas.
Gibutyag niini nga ang hepe sa Valencia City Police Station nga si Police Major Richie Yandug ang naka sick leave.
Gibutyag sab ni Sereñas nga iyang giendorso si Police Lieutenant Colonel Mardy Hortillosa, kinsa tigpamaba sa Cagayan de Oro Police Office, maoy iyang hulip kaniya tungod sab kay anad na kini sa maong trabaho.
Wala pay final nga kamandoan niini apan mismong si Police Lieutenant Colonel nikumpirma nga mao na kini ang napili ni Police Office Regiona-Northern Mindanao Director Rafael Santiago Jr.
“Regional PIO na, it’s a celebration because it’s a promotion, anytime from now because there are many qualified names na lumabas but as far as records and accomplishments is concern wins the heart of our regional director,” matud ni Reyes.