DUNA nay napili ang lokal nga kagamhanan sa siyudad sa Cagayan de Oro nga bag-ong police city director apan wala pa kini nganli sa pagsulat ning balita.
Gibutyag ni Mayor Oscar Moreno nga duna na kini napili base usab sa group discussion ug gihulatan na lamang ang appointment gikan sa Police Regional Office-Northern Mindanao ug nagdumili pa si Moreno sa paghatag sa ngalan ilabi na nga dili niini buot unhan ang kapulisan.
“Yeah, pero huwatan nato ang issued appointment. Ang importante man gud ang appointment. I don’t want to pre-empt the PNP (Philippine National Police). They will issue the appointment and they will make the appointment, mao may final stage. Naa na koy gipili base sa among discussion ni General Santiago,” matud ni Moreno.
Gidugang pa ni Moreno nga wala nay problema ug nagsalig ug naglaom kini nga maayo ang pagdumala niining bag-ong napili nga hepe sa Cagayan de Oro City Police Office (Cocpo).
“I have made my choice. I think wala nay problema but I do not want to pre-empt General Santiago,” dugang ni Moreno. “Well group discussions and of course, salig ug naglaom kita,” dugang pa.
Samtang nibutyag usab si Police Lieutenant Colonel Reynante Reyes, kasamtangang officer-in-charge sa Cocpo, kinsa temporaryong nihulip ni kanhi city director, Police Colonel Nelson Aganon, kinsa namatay sa aksidente sa motorcycle riding course nga nagpaabot na lang ang Cocpo sa city director.
“Unang-una, the city director should have the rank of police colonel, so we are waiting for the appropriate city director. Eventually as we heard coming from the local government, of course from the city mayor, may ilalagay dito na city director,” matud ni Reyes.