SUPERBALITA CAGAYAN DE ORO

Kapulisan sa Cagayan de Oro alerto

NAKA-FULL alert ang kapulisan sa siyudad sa Cagayan de Oro human sa pagbusikad sa bomba nga gikamatay sa mga sundalo ug sibilyan niadtong Hunyo 28 sa Indahan, Sulu.

Gibutyag ni Police Lieutenant Colonel Reynante Reyes, Officer-in-charge sa Cagayan de Oro Police Office (Cocpo), nga ilang gikondena ang maong niluog nga binuhatan nga pagpamomba nga gikamatay sa ubay-ubay nga mga indibidwal ug nagpagawas na og direktiba ang Police Regional Office (PRO)-Northern Mindanao pinaagi ni Police Brigadier General Rafael Santiago kalabot na sa seguridad sa siyudad.

“Nagpalabas siya ng order to all the police Regional Office 10 for a full alert status this is in relation with June 28, 2019 bombing incident,” matud ni Reyes.

Gidugang pa niini nga karong panahona, gipakatag na ang mga personahe sa kapulisan alang sa mga checkpoints, sa mga hilit nga dapit ug lakip na sa mga boarder control.

Gipahigayon usab ang pagpatrolya sa mga mobile patrol cars sa nagkadaiyang dapit sa siyudad, pagpahibalo sa mga hotlines sa kapulisan alang sa paspas nga impormasiyon ug pagpakatag sa mga force multiplier aron nga mamonitor ang mga kalihokan sa mga dautang elemento.

Giklaro usab ni Reyes nga walay direktang hulga sa siyudad apan dili angayang magkumpiyansa ang kapulisan aron nga dili malutsan sa mga dautang elemento, hinungdan nga hugot nga seguridad ang gipatuman alang sa kaluwasan sa tanang lumulupyo sa siyudad ug sa kahapsay sa dakbayan.

Tungod sa hugot nga seguridad, dunay 49 ka mga indibidwal ang nasikop sa ikaduhang Oplan Galugad sa kapulisan.

Kini alayon usab sa nagkaduol nga kapistahan sa siyudad karong bulan sa Agusto.

“This is the directive coming from the regional director, Police Brigadier General Rafael Santiago, give us a particular instruction to make a regular Oplan Galugad peace and order drive not only for the incoming fiesta but also to safe guard the city from criminalities,” dugang ni Reyes.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph