GINAWONG-NAWONG ni Misamis Oriental Governor Yevgeny "Bambi" Emano sila si Vice Governor Jigjag Pelaez ug Board Member Jessa Mugot atol sa pagpakayab sa nasudnong bandila adlawng Lunes sa Capitol Ground dihang mitambong ang duha sa ilang unang adlaw isip mga bag-ong pinili.
Kini kalabot sa pag-atake ni Pelaez ug Mugot sa iyang programang MisOr Cares niadtong niaging eleksyon ug tipik mao ang ilang pagtawag niini nga "Misor Kill."
Si Pelaez ug Mugot anaa nagpasilong sa kaatbang ni Emano ug niadtong panahon sa kampanya ug speech, ang MisOr Cares ang giatake nga kung mahatagan sa kahigayonan sa pagpangatungdanan ilang wad-on.
"I will never forget that our incumbent vice governor now and board member Mugot were one of those who disagreed with Misor Cares. They are one of those who went into the stage last election and attack MisOr Cares. These were the people who was standing, attacking destroying MisOr Cares program," matud ni Emano atol sa iyang speech kon hain anaa sa atubangan ang duha ka opisyal.
Dugang ni Emano nga dili niya masiguro nga masuportahan sa duha ka mga opisyal kini nga programa ug kung adunay rason nga mahunong o ma-hold kini nasayran na sa katawhan ang rason.
"Wala na..in my last three terms, atubangay na. If you are happy with my program, then we were work together. If you're not happy with my program, that's gonna be how it is," matud ni Emano, kinsa miingon nga natingala siya ni Jigjag nga ang igsuon niining si kanhi bise gobernador Joey Pelaez labihan kung makadayeg sa programa ug wa damha nga pag-abot sa eleksyon kay kaatbang na ilang gidaot ug maayo.
Takdo sab adlawng Lunes, gireport ni Sandra Lim, head sa MisOr Cares System, nga sulod sa lima ka tuig nga gisugdan ang programa, moabot na ngadto sa 1,495,946 ka serbisyong panglawas ug pangkatilingbanon ang natunol ngadto sa katawhan sa 424 ka barangay sa lalawigan.
Lakip sa natunol ang 142,436 free outpatient consultation, 64,059 free medicine, 30, 447 free laboratory ug 11,218 admission sa walo ka provincial hospital sa lalawigan.
Sa maong report ni Lim, gipaabot ni Emano iyang pasalamat sa mga tawo luyo sa programa.
"Whatever will happen to MisOr Cares let me thank you for serving our people. The numbers that Sandra mention were a lot. Daghan kaayo imong gisampit nga mga numero nga nakit an nako nga tinoud gyod nakatabang ang MisOr Care but there are also people who are not actually or do not believe on the program. If temporarily or permanently, we are placed on hold, then you know why we are place on hold," matud sa gobernador.
Sa iyang bahin ni Pelaez, iyang gipaabot nga wala siya naapektuhan sa batikos ni Bambi kaniya ug unta hunungon na kini. Iyang tinguha nga makapernisyo ug masuportahan si Emano sa iyang katapusang termino. Gani, bout niyang madugangan pa og punod ang serbisyong panglawas aron makatabang sa katawhan sa lalawigan.