SUPERBALITA CEBU

Jaclupan dam naulian na: Kara

NAHIBALIK na sa normal nga level ang water supply sa Jaclupan facility sa Dakbayan sa Talisay human natala nga anaa na sa 33,000 cubic meters ang ma-supply niini matag adlaw.

Samtang nagpabilin nga anaa sa 40% o 2,700 cu.m. ang ma-supply sa Buhisan Dam matag adlaw.

Ang Metropolitan Cebu Water District (MCWD) malaumon usab nga sa di pa matapos ang Hulyo, hingpit nang mabalik sa normal nga level ang Buhisan dam diin anaa sa 7,000 cu.m.

Matod sa tigpamaba sa MCWD, Charmaine Rodriguez-Kara, nga kon magpadayon ang pag-uwan, mabalik na usab sa normal ang Buhisan dam sa ikatulong semana sa Hulyo.

Sa pagkakaron, anaa na sa 235,000 cu.m., ang ma-supply na sa MCWD o 3,000 cu.m. na lang kini nga kuwang sa ilang average nga normal nga supply niini nga 238,000 cu.m.

Sa kinatibuk-an, anaa sa 400,000 cu.m. ang demand sa Metro Cebu alang sa tubig, apan di tanan nagkuhaan og supply sa MCWD.

Gibutyag usab ni Kara nga pabilin nga suspendido ang bag-ong aplikasyon sa tubig alang sa 40 ka mga dapit sa Metro Cebu.

Sa kasamtangan, anaa sa 192,000 ang service connections sa MCWD sa mga konsumidor sa Metro Cebu. (HBL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph