Dear Noy Kulas,
Ako si Andy (di ni tinuod nako nga ngan), taga Cebu. Minyo na ko ug dunay mga anak.
Ang nakahasol nako ang akong kagahapon. Sa uyab pa mi sa akong bana, nahilabtan ko og laing lalaki but ka usa ra hinuon tungod lang to sa hinubog nako. But wa ko gadahom nga momabdos ko ug nagtuo ang akong bana nga siya ang amahan so nagminyo mi.
While nagdako ang bata, nakabantay ko nga wa ni naliwat namo sa akong bana ug akong nabantayan nga medyo kahawig sa akong friend nga until now, secret gihapon namo ang nahitabo. Na guilty ko especially kanang magtan-aw ko sa akong bana ug sa akong anak kay feel kaayo nako nga di siya ang amahan. Nagsuwat ko nimo kay wa koy masultihan, bisan ang akong friend nga tingali maoy father sa akong eldest.
Unsa may maayo nakong buhaton karon, Noy Kulas? Mosulti ba ko sa akong bana ug sa akong anak, apil na ang akong friend? Naglibog na ko unsa ang akong buhaton kay wa koy masultihan. Daghang salamat sa imong tambag.
ANDY
Andy,
Duna koy nailhan nga sama nimo og kaso nga talagsaon pud kaayo. But ang wa ra mahibawo ang lalaki ug iyang pamilya, but ang side sa babaye open kaayo nga ang eldest di sa bana, kon di laing lalaki. Tingali wa nakonsensya ang babaye kay mopahiyom ra man kon komedyahan sa iyang higala ug paryente. Natiguwang ug namatay ang lalaki nga wa nasayod sa open secret.
Kani nga problema naa ra nimo ang paghukom, sultihan ba nimo o di ang imong bana aron makagawas ang imong nagpuot nga guilt sulod sa imong galamhan bisan unsa pay mahitabo.
Kay kon masayod ang imong bana, mosinta na sa kasuko isip reaction. Kinsa ba nga lalaki ang malipay niana? But nakapagawas ka sa imong gibati.
Kani lang, kon kana mahitabo, posibleng mahitabo ug magubot mo. Modako ug posibleng magkabuwag mo. Posibilidad lang ni but kon dako og gugma ang imong bana, pasayluon ka. Pero sa di ka pa mo decide, aron maseguro, ipa DNA test ang imong anak.
NOY KULAS
rojval69@yahoo.com