BISAN pa man sa makapaikag na nga parisan sa ONE Championship nga ipahigayon karong Agusto 2 didto sa Kaulohan, lain na usab nga gikahinaman nga panagsangka ang mahidugang sa dihang ang kasamtangang ONE Featherweight World Champion nga si Martin “The Situ-Asian” Nguyen sa Australia ang modepensa sa iyang titulo sa maong card.
Depensaan ni Nguyen ang iyang titulo batok sa Japanese challenger nga si Koyomi Matsushima sa panagsangka nga pagsilbing main event sa ONE: Dawn of Heroes sa Mall of Asia Arena.
Ang 30-anyos nga Nguyen, 12-3, milangkat sa featherweight title niadtong 2017 pinaagi sa pag-knockout sa kanhi kampiyon nga si Martt Gafurove. Kaduha ka higayon kini iyang nadepensaan batok sa kasamtangang ONE Lightweight World Champion nga si Christian Lee ug ning bag-o lang batok sa kanhi titlehodler nga si Narantungalag Jadambaa pinaagi sa first round knockout nga kadaugan. (JBM)