ORMOC City, Leyte - Gitagsa-tagsa ni Ormoc City Mayor Richard Gomez ang ilang mga target projects ni Vice Mayor Toto Locsin ug kaubanan sa mosunod nga tulo ka tuig.
Kini gisulti sa mayor atubangan sa daghang mga kapitan ug supporters atol sa inagurasyon nga gipahigayon sa Superdome, Dominggo, Hunyo 30, 2019. Matod sa mayor nga daghan pa siya og mga plano sa dakbayan.
Kapin sa 10 ka target projects ang gisaysay ni Gomez, sagad gitumong alang sa pagbutang og water system, disaster prevention, tourism, livelihood, peace and order ug uban pa.
Kini ang mosunod:
• Lake Danao Water System
• Pagbutang og water reservoir
• Rain water harvesting facility storage
• Modernization Program of Transportation
• Housing Projects
• Pag abli og road networks
• Dugang Classrooms
• Pag-increase sa disaster response, lakip ang pagpalit og dugang ambulansya, water trucks, fire trucks ug disaster prevention program.
• Pag-upgrade sa slaughter house
• Improvement sa lechonan
• Improvement sa City Public Market
• Satellite market sa Valencia
• Padayun nga backfiling sa Bagsakan Area
• Peace and Order Program lakip ang pagpalit og mga brand new nga armas sa kapulisan, pagpalit og dugang sakyanan ug motorsiklo sa kapulisan ug SWAT Training
• Pag-upgrade sa street lights
• Pag-upgrade sa suga sa Superdome
• Dagko nga electric fan sa Superdome
• Pagpakusog sa livelihood programs
• Paghimo og sustainable tourism products
• Pag implementar sa city land use and zoning ordinances lakip niini ang relocation sa tanan vulcanizing shops nga dunay igo nga parking space
• Sa tuig 2020, ang mga tricycles dapat repainted na sa basic ug solid colors per route
• Limpyuhon ang national highways sa illegal parking
• Paghimo og large composting facility
• Pag-ban sa paggamit og plastics. Sa 2021, wala nay plastics sa Ormoc.
• Paglunsad og health and wellness programs
“Daghan pa ko plano para sa Ormoc and I would always like to emphasize that I always have the best intention for Ormoc City,” matod sa mayor.
Nanumpa usab ang kapikas sa mayor nga si Kongresista Lucy Torres - Gomez nga abagan ang iyang bana ug kaubanan aron matuman ang mga plano. (JKDP)