ANG Samahang Basketbol ng Pilipinas (SBP) Under-18 3X3 Davao City eliminations mo-dribol, Septyembre 7 ug 8.
Si SBP-Davao operations head Ronel Leuterio nagsulti niini via Facebook, human nga ang SBP Davao Region officials mihimo og meeting, Lunes sa gabii sa The Royal Mandaya Hotel.
“It will be a tournament for boys and girls,” suma niya.
Ang meting maoy follow-up sa naunang tigum atol sa SBP Davao Region Officials Summit, Hunyo 15.
Atol sa summit, ang SBP representatives gikan nagkadaiyang tsapter sa rehiyon miapruba sa pagpahigayon sa regionwide 3X3 tournament diin matag SBP chapter mohimo sa ilang kaugalingong city o provincial elimination, dayon ang tanang city ug provincial champions magtigum sa Davao City alang sa regional finals sa October.
Ang regional champion maoy representante sa rehiyon sa national finals.
Laing meting sab naka-iskedyul sa Hulyo 13 alang sa inter-collegiate sponsors league.
Suma ni Leuterio, “It will be a potential tie up between universities and their sponsors for the Davao City elimination for the PCCL (Philippine Collegiate Champions League).”
Si Presidential Adviser on Sports Glenn Escandor maoy SBP Davao Region director.