HUGYAW ang selebrasyon sa 52nd Araw ng Davao Oriental.
Ug uban sa mabulukong “Pride Month”, usa ka pageant nga giorganisa sa LGBTQ Community ang gikuninitan sa kadaghanan, kini ang Reyna ng Sidlakang Dabaw 2019, nga nasaksihan sa probinsiya, Hunyo 29 ning tuig sa Capitol Grounds.
Siyam ka mga maanyag nga reyna nga representante sa nagkadaiyang lungsod sa probinsiya ang miapil sa kompetisyon.
Matag usa kanila, madasigon ug mapasigarbuhong miisa sa ilang mga bandila sa nagkadaiyang organisasyon, gipasibaw ang tingog sa LGBTQ community sa Davao Oriental.
Paglabay sa pipila ka oras nga rampahan, ug uban pang paggisa kanila, ang maanyag from Cateel nga si Exur Pastor Ranoa, maoy miharbat sa koronang Reyna ng Sidlakang Dabaw.
Nangharus sab ang beauty niya sa pipila ka special and minor awards sama sa Best in Swimsuit, Best in Talent, Best in Long Gown, Miss Congeniality, Social Media Star, ug Miss Photogenic.
Samtang ang Reyna Mati mao say gideklarang Reyna ng Gulf Towns, ug ang Reyna Tarragona miangkon sa Reyna ng East Coast.
**
Ubang detalye ug hulagway gikan sa Province of Davao Oriental Facebook page.