SUPERBALITA CAGAYAN DE ORO

Dampal bag-ong hepe sa Cocpo

HINGPIT na nga nilingkod ang bag-ong napili nga city director sa Cagayan De Oro Police Office (Cocpo) kagahapon Hulyo 3, 2019 adlaw nga Miyerkules.

Si Police Colonel Henry G. Dampal ang bag-ong mangulo sa Cocpo kinsa kanhi nadestino sa Regional Investigation and Detective Management Division Chief sa Police Regional Office (PRO)-Northern Mindanao.

Sa opisyal nga impormasiyon gikan sa tigpamaba sa Cocpo nga si Police Lieutenant Colonel Mardy Hortillosa, giingong niadtong Hulyo 1 pa ang katudloan ni Dampal.

"Cocpo has a new city director in the person of Police Colonel Henry G. Dampal effective July 1, 2019. He will officially assume as CD (city director) today July 3, 2019," sa giluwatang pahayag ni Hortilllosa.

Gidugang pa ni Hortillosa nga nagpaabot na lang kini sila og order gikan sa regional office alang sa opisyal nga pag-instalar ni Dampal diha mismo sa Cocpo.

Samtang nanghinaot ang tsirman sa komitiba sa police, fire and public safety sa 18th City Council kinsa usab posibleng mao gihapon ang maghupot sa maong komitiba sa 19th City Council nga mapadayon ang mga plano ug programa alang sa kahusay ug kalinaw sa siyudad.

Giingong posibleng usa usab sa konsiderasiyon nga kini ang gipili tungod kay kini ang labing bata sa listahan ug mas maayo usab ang rekord niini sa pagpanerbisyo.

"I just hope nga he will have a clear vision on what Cagayan de Oro should be, a certain period from now, two to three years from now, nakatrabaho naman nako sila tanan sa lista. Gwapo man ni sila motrabaho. Si Colonel Dampal maayo ni siya," matud ni Calizo.

Buot usab niini nga mas mapahugtan pa ang mga nasinatiang balik-balik nga problema ilabi na sa mga menor de edad nga sagad malambigit sa mga pagpanglabni ug uban nga mga krimen gumikan na usab kay wala kini kahadlok tungod kay nasayod usab nga dili kini mabilanggo.

Samtang ang tsirman sa komitiba sa trade and commerce nga si Konsehal George Goking nanghinaot usab nga unta matabangan ang siyudad ilabi na nga ubos karon sa full alert status.

"Matabangan ta sa Cagayan de Oro especially naay red alert status karon," sigon ni Goking.

Nasayran nga nabakante ang pwesto sa city director sa Cocpo human nga nakabsan sa kinabuhi si Police Colonel Nelson Aganon, kinsa naaksidente tungod sa motorcycle jumping course diin na-comatose sulod sa 13 ka adlaw ug hingpit nga nakabsan sa kinabuhi niadtong Hunyo 4.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph