ANG Police Regional Office (PRO) 7 mohatag og duha ka police escorts kang Gob. Gwendolyn Garcia kini human sa unom ka tuig nga wala magtiner sa iyang security tungod sa dili maayhong kasinatian dihang siya ang nilingkod sa Kapitolyo atol sa administrasyon ni Gen. Marcelo Garbo sa PRO 7.
Nag-courtesy call si Police Brigadier Debold Sinas, direktor sa PERO 7, uban sa iyang staff sa buhatan sa bag-ong milingkod nga babaying gobernador sa lalawigan sa Sugbo niadtong Miyerkules, Hulyo 3.
Matod ni Sinas, mabungahon ang ilang miting sa gobernador ilabi na sa gipasalig niining suprta sa kapulisan sa probinsya sa Sugbo.
Usa sa ilang nahisgutan ang paghatag og police escorts sa gobernador nga wala niya maangkon sulod sa unom ka tuig sa dihang napili siya nga kongresista sa ika tulong distrito sa lalawigan tungod matod pa sa iyang trauma nga nasinati sa panahon nga si Garbo sa PRO-7.
Tungod niini, gitando ni General Sinas ang hangyo sa gobernador ug hatagan niya kinig duha ka police escort nga maoy mo kuyog niya bisan asa siya mo adto gawas sa area security sa mga police sa kalungsuran.
“Sabi ko ma'am your already elected as Governor and your entitled for two ang estorya niya alam mo for 5 to 6 years wala kay na trauma sya, I promised sa iya nga it’s a high time na you have to trust the pnp because without trust we cannot work and move forward. We are very happy to work with you ma,am rest assured that whatever legal directives we will follow and support you all the time.” Matod ni General Sinas.
Gipasabot sa heneral nga tungod kay misuporta ang gobernadora sa kampanya sa ilegal nga drugas kinahanglan usab nila nga bantayan kini.
Mahimong mopili si Garcia, kinsa ang iyang gusto nga mobantay kaniya nga police nga naa sa PRO 7, apan kung ang police nga iyang napilian wala sa Central Visayas, mahimong abagan niya kini nga mohangyo sa kampo Crame.
Atol sa katapusang termino ni Gobernador Garcia niadtong 2012 nahimong kontrobersyal sa dihang nalutsan og suspension order gikan sa DILG diin ang police nga gipangulohan ni Garbo ni-padlock sa ganghaan sa kapitolyo.
Human niadto, wala na mokuhag security ang babaying gobernador tungod sa maong insidente.
Ning iyang pagbalik sa kapitolyo, matod ni Sinas, iyang napanglantawan nga mabungahon ang ilang relasyon sa trabaho. (AYB)