SECTIONS
Monday, September 16, 2019
SUPERBALITA CEBU

POC nakadawat og mando sa IOC

MAGPABILIN nga acting president o Officer-in-Charge (OIC) si Joey Romasanta sa Philippine Olympic Committee (POC) hangtod nga wala pay mapili sa election aron pagtapak sa nabakanting liderato sa maong Olympic body.

Kini maoy gimando sa International Olympic Committe ngadto sa mga opisyal sa POC human sa kalit nga pag-resign ni Ricky Vargas.

Sa higayon nga aduna nay napiling presidente, si Romasanta mahibalik sa iyang puwesto isip vice-president.

Sa duha ka pahina nga suwat sa IOC nga pinitsahan niadtong Hulyo 2 ug gipirmahan nila ni James Macleod, IOC director for Olympic solidarity ug national Olympic committee relations, ug ni Husain al-Musallam, director general sa Olympic Council of Asia, ang POC gimanduan sa pagsunod sa saktong proceso aron dili masamok ug sa pagpahigayon og hapsay ug limpyo nga piniliay alang sa nabakanting puwesto.

Giawhag usab sa IOC ug OCA ang POC executive board sa pagtigom sulod sa lima ka adlaw aron pag-umol og independent commission alang sa elections sulod sa napulo ka adlaw sa dili pa ang piniliay.

Buot ipasabot, nga molapas pa kini sa Hulyo 18. Kining petsaha, maoy katapusan sa 30 ka adlaw nga nalatid sa balaod nga kinahanglan ipahigayon ang piniliay sa nabakanting puwesto.

Sa sayo pa gilaraw ni Abraham “Bambol” Tolentino, ang chairman sa POC ug presidente sa cyling sa nasod ug Clint Aranas sa archery nga mapahigayon ang piniliay sa dili pa maabot ang maong petsa.

Apan sa bag-ong kamanduan sa IOC hayan kini moinat pa ngadto sa laing mga adlaw.

Si Tolentino ug Aranas interesado nga magpapili sa pagka presidente sa POC samtang gibutyag ni Romasanta nga dili siya interesado. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph