SUTAON karon sa bag-ong pamunoan ug administrasyon sa Gingoog City kining mokabat 3,500 ka mga empleyado nga job order (JO) ang status.
Usa sa pokos sa administrasyon ni Gingoog Mayor Erick Cañosa ug Vice Mayor Peter Unabia mao ang employment.
Dili malimod nga kining mga job order ang naempleyo panahon sa administrasyon ni kanhi mayor Marie Guingon ug giingong normal nga pipila kanila supporters kanila.
“That is one of the problems in Gingoog especially nga wala kaayo employment sa atong siyudad we have to check kon unsay gi-function sa atong job order based on their accomplishment report that’s why I ordered our department head to check their accomplishment report kon naka-perform ba gayud sila base on their job description,” matud ni Cañosa.
Dugang niini iyang nadungog nga adunay pipila lamang nga wala nag function sa ilang trabaho.
“As far as i know and heard during the election nga medyo nay uban job order nga wala na nag functions diri sa City Hall but they were working on the barangay thats why we will check on that and we will validated and verify since one of the thing nga atong i focus is employment kadtong mga tarong nga job order then no reason nga ato silang pulihan,” dugang niini.
Importante sab alang kaniya nga hatagan sila og trabaho nga gikinahanglan sa siyudad.
Sa iyang bahin sab ni Bise Mayor Peter Unabia nibutyag nga daghan ra kaayo ang job order.
“Ang mga JO sa previous administration as per our knowledge that is 3,500 ka tao thats too much as mention by mayor Eric the appropriation for JO is like 140 million,” matud ni Unabia.
Butyag ni Unabia nga wala kaniya ang kwestyon unsa ang trabaho sa JO apan iyang gipasabot nga magpabilin ang naay trabaho ug kong gigamit sa politika tanggalon.
Pangitaan usab kini og haum nga posisyon nga gikinahanglan.