BUOT ni Police Colonel Henry Dampal, bag-ong city director sa Cagayan de Oro City Police Office (Cocpo), nga mamahimong bukas sa publiko ug angayang hatagan of maayong pagtagad ang katawhan nga mangayo og tabang sa kapulisan.
Naghatag kini og direktiba sa mga hepe sa mga estasiyon atol sa command conference niadtong Hulyo 3 nga angayang presentable ang mga estasiyon.
“My directives to make their stations friendly and open it to public kasi we can render assistance to public, ang pinaka point nato, people are coming to our station because they need our services,” matud ni Dampal.
Gidugang pa niini nga gipahinumdoman niini ang mga matag estasiyon nga mamahimong presentable ug tagdon og maayo ang katawhan.
“I reminded them to make their stations presentable and be good to the people, sa mga tao nga mag-anha sa atong mga stations,” dugang niini.
Walay usabon
Gidugang usab niini nga walay usabon ug ipadayon ang mga nasugdan na sa mga nag-unang nangulo sa Cocpo ilabi na kung positibo ang mga resulta niini.
“I told them that so far wala tay usbon and then we will study and make some assessment and then we will just be opened for changes if ever may makita tayo na what is best, unsa tong maayo nga i-adopt,” dugang niini.
Giingong wala pa usab kini plano nga paglahugay sa mga kumander sa matag estasiyon sa kapulisan apan istudyohan una kini ug kung kinahanglan nga dunay bag-uhon kinahanglan usab nga himuon niini.