DILI na isyu kang Misamis Oriental Governor Bambi Emano ang wala pag-release sa midyear bonus ngadto sa empleyado sa Kapitolyo.
Human sa nagkadaiyang batikos sa social media, gibutyag ni Emano nga dili kini niya tumpangan kay gamay ra kini nga isyu.
“Midyear bonus of course our employees will receive that sigurado na madawat ang kani lang dunay pipila wala makasabot sa balaod,” matud niini.
Gipaniguro ni Emano nga dunay pundo alang niini.
“Ang balaod nag ingon not before May 15. Mao ng balaod ug upat nga consecutive very satisfactory rating kining uban ilang kaugalingon gilantaw wala nila lantawa dunay empleyado nga dili satisfactory ang rating but of course they will be able to receive that in time,” matud ni Emano ug miingon nga dihang nag-assume siya isip gobernador walay increase nga nadawat ang mga empleyado.
“You know when I first assumed as governor, luoy kaayo atong mga empleyado in fact, sulod sa akong term kalima nag-usbaw ilang sweldo sa unom ka tuig nag increase ilang sweldo,” dugang niini.
Gikatakda sab ang minor revamp sa mga ulo sa departamento sa Kapitolyo.
Bout niining kadtong paspas ang serbisyo maoy hatagan og prayoridad samtang kadtong makalangan maoy hulipan.
Giawhag sab niini ang mga empleyado sa Kapitolyo nga magtarong sa ilang mga trabaho aron dili siya mapugos og tangtang kung makita nga walay gihimo.