SECTIONS
Monday, September 16, 2019
SUPERBALITA CAGAYAN DE ORO

Bag-ong Cocpo chief: ‘I will give my best’

GIPASALIG sa bag-ong napili nga city director sa Cagayan de Oro Police Office (Cocpo) nga ihatag niini ang tanan diha sa iyang pagpanerbisyo sa dakbayan sa Cagayan de Oro.

Niadtong Hulyo 1 ang katudloan ni Police Colonel Henry Dampal, isip city director, ug pinaka-unang higayon nga nilingkod sa Cocpo niadtong Hulyo 3 tungod na usab kay duna kini official nga travel kauban ang Philippine National Police (PNP) Chief Oscar Albayalde.

“Unang-una I will give my best, as I’ve mentioned dinhi man pud ko gikan, I considered myself as Kagay-anon, kana siguro ang Ina nako ma-assure sa ila akong ihatag ang very best sa akong serbisyo while in this office sa Cocpo,” matud ni Dampal atol sa gipahigayon nga press conference.

Naghangyo usab kini nga magtinabangay aron nga maangkon ang kahusay ug kalinaw sa siyudad.

“Of course with your help, with the help sa atong mga kaigsoonan, other stakeholders, tabangan nato kay ang peace and order not just a concern of our policeman, it’s everybody’s concern so kailangan nga magtinabangay ta,” dugang niini.

Nagmapasalamaton usab kini sa liderato sa Police Regional Office-Northern Mindanao sa pagsalig sa abilidad niini nga mangulo sa Cocpo.

Nasayran nga nagdako si Dampal sa Manticao, Misamis Oriental ug nag-eskwela sa high school ug kolehiyo sa dakbayan sa Cagayan de Oro.

Nadestino na kini sa Autonomous Region in Muslim Mindanao (ARMM) sa bag-o pa kini sa serbisyo ug nahimong Chief of Police sa nagkadaiyang Municipal Police Station sa Misamis Oriental, company commander sa CPSC sa Iligan City ug chief of police sa Malaybalay City sulod sa kapin duha ka tuig ug namahimong parte sa United Nations peacekeeping mission diin nakatrabaho na usab niini ang mga kapulisan nga nagagikan sa nagkadaiyang nasud.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph