DAKONG pagsulay alang sa pamilya ni Mayor Oscar Moreno ang pagkasikop sa iyang kamagulangan nga anak sa drug bust niadtong Sabado, Hunyo 30 sa usa ka 4-star hotel sa Barangay Malabanias, Angeles City.
Nasikop sa Philippine Drug Enforcement Agency (PDEA)-Central Luzon si Sean Moreno, 43, ug laing mga kauban nga giila ni PDEA Central Luzon director Gil Pabilona ang mga suspek nga sila si Bernice Fabiosa, 21; Ma. Isabel Lawas, 19; Aileen Baldon, 23; Jamie Mendoza, 20; Jessa Scott, 19; Bernadeth Saavedra, 19 ug Gregorio Imperial, 26 kinsa mga residente sa maong dapit.
Sa gipagawas nga pahayag ni Moreno pinaagi kang City Information Officer Maricel Casiño-Rivera nga isip usa ka amahan una niining masiguro ang seguridad sa anak ug padayong suportahan ilabi na sa legal nga suporta.
“As a father, my first reaction was to ensure his safety while in detention, and to provide legal support. Even if he has gone astray, Sean is still my son, whom I took very special care since his birth. I deeply regret the situation that Sean is in now,” pahayag ni Moreno.
Giingong pinakalisod kini nga nasinatian karon sa pamilya ug sa iyang anak apan kinahanglan kining atubangon ug nag-ampo nga naa pa gihapoy maayong kaugmaon ang anak.
“This is a very difficult time that Sean and the family are going through. But we have to deal with this, and we pray that Sean will still have a bright tomorrow,” dugang pa.
Giingong bisan pa man sa kasakit karon padayon usab kining nagtoo nga ang labaw nga makagagahom maghatag og lamdag ug padayon kining magsuporta.
Nasayran nga anaa sa kantidad nga moabot sa usa ka milyon nga party drugs ang nakuha atol sa drug bust.