SUPERBALITA CAGAYAN DE ORO

2 konsehal walay komitiba

GIKASUBO sa minorya ang desisyon sa majority bloc sa Konseho nga wala silay bisan isa ka komitiba nga gihuptan sa 19th City Council atol sa unang sesyon niadtong Hulyo 3 sa Country Village, Carmen, dakbayan sa Cagayan de Oro.

Sa 30 ka mga komitiba, walay usa ang nahatag ngadto sa minorya.

Gibutyag ni Konsehal Lordan Suan, kinsa maoy minority floor leader, nga gikasubo nila kini apan ilang girespeto ang desisyon ug nanghinaot nga dili mamahimong babag sa pagpanerbisyo ang kolor sa politika.

“Makasubo lang kay mao lage hinaot unta nga dili na nahimong babag sa atong pagserbisyo sa katawhan kanang partisan politics, among girespetaran ang decision sa majority kay ingon ana man ang demokrasiya, ingon ana ang ilang decision, ingon ana ang ilang reasoning respeto gihapon mi,” matud ni Suan.

Gidugang pa nga wala na usab kini naglaom nga mahatagan pa og komitiba ug nagpasalig nga dili kini mamahimong babag sa ilang pagpanerbisyo.

Samtang nibutyag usab ang kauban sa minorya nga si Jocelyn “Bebot” Rodriguez nga girespetohan niini ang desisyon ug nagtuo nga dunay nagpaluyo niini.

Apan giklaro usab niini nga dili kini makababag sa iyang pagpanerbisyo sa katawhan.

“Yeah I know ngano man? Guessing game, you guess, dili ko mag-mention, I will respect being a member and the vice chair but then I’m supposed to be given also the chairmanship being an elected city official of Cagayan de Oro,” matud ni Rodriguez.

Samtang itanyag kang Konsehal Zaldy Ocon ang usa sa mga komitiba niini nga mao ang Fisheries and Aquatic Resources apan nauyonan na kini sa majority bloc ug kinahanglan pa nga hisgutan kung ugaling dunay usbon o amendahan.

Nagpasalamaton kini apan mas buot niini ang huptan nga komitiba diin kini maka-function sama sa health, women ug uban pa apan duna nay nakahupot niini.

Gibutyag usab ni Vice Mayor Joaquin Rainier “Kikang” Uy nga mas matuman ang kadaghanan ug ang pagproseso niini nahisubay sa balaod. Gidugang usab niini nga dili ingon nga tungod sa paghupot og komitiba makaserbisyo ka apan nagdepende ra kini sa buot gyud mohatag og tinud-anay nga serbisyo.

“Democratic way, paminawon ang minority but the majority rules, so mas matuman ang kadaghanan,” matud ni Uy.

Ang mga naghupot og komitiba mao kining mosunod:

Jay Roa Pascual - Agriculture ug Tourism

Yan Lam Lim - Barangay Affairs

Enrico Salcedo - Cooperative ug Environment

Ma. Lourdes Gaane - Cultural Communities ug Health and Health Insurance

Reuben Daba - Ethics & Blue Ribbon

Ian Mark Nacaya - Economic Enterprise ug Laws and Rules

Suzette Magtajas-Daba - Education ug Sister City Relation

Teodulfo Bong Lao Jr., - Energy ug Public Utilities

Edna Dahino - Finance Budget & Appropriations ug Women and Family Relations

Zaldy Ocon - Fishiries & Aquatic Resources ug Public Works

Roger Abaday - Games Amusement ug Senior Citizens,

Joyleen Mercedes “Girlie” Balaba - Labor and Employment ug Social Services

Romeo Calizo - Police Fire and Public Safety ug Roads & Traffic Management

John Michael Seno - Sports & Youth Development

Edgar Cabanlas - Subdivision and Landed Estate ug Urban and Rural Poor & Housing Development

George Goking - Trade and Commerce ug Ways and Means


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph