GILAUMANG gatusan ka mga partisipante mosalmot sa Dagan at Sayaw for A Cause o DagYaw, usa ka 3k, 5k, ug 10k event karong Hulyo 14 sa Rizal Park, Siyudad sa Davao.
Ang fun run uban ang Dance Fitness Zumba magsugod sa alas kwatro sa kadlawon sa maong petsa nga gi-organisa sa Striders Sports Clinic & Event Organizer.
Sa modagan sa 3k ang registration fee anaa sa P350, diin apil na dinhi ang t-shirt, race bib, ug ubang pahalipay.
Samtang tag-P450 ang registration sa 5k ug P600 ang 10k.
Ang top three sa 3k, 5k ug 10k male and female category modawat og cash, medalya ug gift certificate isip premyo.
Samtang sa Dance Fitness Zumba, may indigay sab alang Open Category, 18-50 years old ug 51 years old and above.
Luyo sa pasingot, may swerte sab nga mobitbit pauli og bisekleta nga ipa-raffle sa mga partisipante.
Ang registration anaa sa Toby’s 2nd floor, Abreeza Mall, Lunes hangtud Sabado 10 a.m. hangtud 7 p.m. ug sa People’s Park, matag Sabado ug Dominggo, 5 a.m. hangtud 8 a.m.
Mamahimo sab nga ikontak si Lucy Comajig sa numerong 0928-868-2844 ug 0917-772-3775.