NASUBO ang kapulisan sa Police Regional Office (PRO)-Davao Region human usa sa ilang mga kabaro giingong nagpakaulaw sa ilang hanay.
Sa miaging adlaw, nagbansiwag nga impormasyon sa kapulisan sa PRO-Davao Region ang natigayong akto nga pagkasikop pinaagi sa video sa cellphone sa usa ka patrolwoman nga nangawat og kuwarta sa iyang kaubanan nga pulis sud sa buhatan sa Women and Children Protection Desk (WCPD) sa Talomo Police Station sa Davao City.
“I am dismayed by this incident involving another police officer into theft and victimizing fellow police officers. Nakakahiya. Malaki na nga ang sahod ay nakagagawa pa ng kawalanghiyan at sa kapwa pulis pa sa loob ng istasyon,” pamahayag ni PRO-Davao Region Director Police Brigadier General Marcelo Morales.
Dugang niya diha sa pagpasalig agi og pagpamatngon sa mga pulis, “Rest assured that she will suffer the consequences of her chosen path. She will go through what other civilian people go through when they are caught stealing.”
Gipasalig sab ni Morales nga pahamtangan gyud og silot ang maong pulis aron kapanaminan sa kaubanan nga di gayod mohimo og susamang sa ingon.
“We never tolerate anyone of our colleagues for committing illegal acts or crimes. We will be very serious to sanction this erring policewoman to make sure these things won’t happen again,” pasalig sa director.
Daghang indibidwal nga gisayangan sa posisyon sa suspek nga policewoman gumikan dili lalim mosulod sa hanay sa kapulisan karon.
Hinuon sa usa ka gatus ka mga pulis imposible man gayod nga dunay usa nga susama niini ang nahitabo.
Kung dunay ingon niini nga natigayon diha kapulisan, mamahimo unta kining kapanaminan nga di gyud sundugon gumikan sayang ang panahon ug ang kahigayonan.
Hinumdoman kanunay nga daghang gusto ma-pulis, maong kun naa na sa kalibutan sa kapulisan, kinahanglang di gyud mohimo og dautan.