SUPERBALITA CEBU

Albor: Dagon sa mga senador

Sandiganan

NAGHUPOT og tagsa-tagsa ka mga dagon kadtong mga kandidato pagka-senador. Ilang mga nabuhat ug dalaygong plataporma maoy nagbaswat sa kadaugan. Dakog tampo ang Malasakit Centers ni Sen. Bong Go. Women Empowerment nunot sa mga nabuhat nila ni Sen. Cynthia Villar, Grace Poe, Pia Cayetano, Imee Marcos ug Nancy Binay. Midaog usab ang duna nay ngalan sa hawanan sa senado sila si Sen. Sonny Angara, Koko Pimentel, Lito Lapid, Bong Revilla ug ang napopular nga sila si Bato del Rosa ug Tol Tolentino.

Nakatampo sa kapildihan sa ubang nanagan ang kakabos, dili ilado, kulang sa resources pagpadagan sa kampanya, nalambigit sa pangawkaw ug ang walay endorsement gikan sa presidente. Gani maoy hinungdan nga diritso kalimbuwad ang kandidatora sa Ocho Derecho.

Sa pangawkaw nakalingkawas si Sen. Revilla sa dihang mayoriya sa mga huwes sa Sandiganbayan mihukom pag-abswelto kaniya. Walay labot sa transaksyon ang senador sa kasong plunder pagkalambigit sa 124.5 M pesos nga kabahin sa 10B pesos pork barrel o PDAF scam. Sensitibong mga dokumento maoy nagpirma ang staff ni Revilla nga si Atty. Richard Cambe kinsa maoy authorized representative. Sila si Cambe ug pork barrel queen Janet Lim Napoles nga adto i-imbudo ang PDAF sa iyang mini nga NGO maoy gihukmang guilty ug gimandoan nga ipauli sa nasodnong panudlanan ang giakusar nga kantidad. Sa libro sa balaod ang kasong plunder angayng sentensyahan og reclusion perpetua o pagkabilanggo sa tibuok kinabuhi. Giingon nga nakatabang usab sa kadaugan ni Revilla ang iyang pagsayaw og budotz sanglit nalingaw ang publiko.

Sen. Jinggoy Estrada mibandilyo sa pagtuis sa Sandiganbayan sa unang hukom. Gitugotaan nga makapiyansa og 1.33M pesos sa pagkalambigit sa 183M pesos nga kabahin sa 10B pesos PDAF scam. Nakatagamtam og temporaryong kagawasan. Pilde pagka senador ilabina kay nag-igihay sila sa iyang half-brother nga si Sen. JV Ejercito.

Sen. Juan Ponce Enrile miwara-wara sa pagbaliktad sa high tribunal court sa desisyon sa Sandiganbayan pagtugot nga makapiyansa og 1M pesos sa pagkalambigit sa 172.8M pesos nga kabahin sa 10B pesos PDAF scam. Gikonsiderar usab ang tawhanong kalooy gumikan sa katigulangon hinungdan sa kagawasan.

Ang PDAF legal nga gipagawas pinasikad sa General Appropriations Act (GAA). Apan kay gihimong gatasan sa pangawkaw gideklarar sa Supreme Court nga illegal ug unconstitutional. Dunay hungihong nga anaa gihapon ang PDAF apan giusaab ang ngalan ngadto sa unprogramed fund, e-govt. fund, contingent fund ug local govt. support fund. (csa_1156@yahoo.com / 09064648954)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph