Binghay: Naungo sa electronic gadgets

GAWAS nga nadani sa laing bathala, di lang ang pagpangabit maoy rason nganong magkabuwag ang managti-ayon. Gani magsugod ang hagit sa panagbuwag sa mga ginagmay nga problema sama sa stress sa trabaho, sobrang kakapoy sa lawas pag-atiman sa mga bata ug panimalay o mga inadlaw-adlaw nga pressure para makabayad sa mga nagla-undok nga utang.

Matod ni Allison Zamani, usa ka associate marriage and family therapist, kini nga mga rason maoy kasagarang maka-ingon sa panagbuwag:

Una, ang patong-patong o nagla-undok nga mga utang nga maoy naka-ingon sa kahangos pag-apas sa mga bayranan. Ma haros og pamayad ang kinsena o binuwan nga hinaguan nga maoy maka-ingon sa bastos ug init nga panagbangi.

Mas maayo kung maglingkod ang managti-ayon ug magsabot kung unsaon pagbahig ang kinitaan aron ma apod ang tanang bayranan.

Sunod ang selos, kasina o kasuya sa mga na-abot ug nakab-ot nga kadaugan ug kahibalo. Angay hinumduman nga ang kaminyuon di contest o kompitensiya maong di angay magkumparahay sa gitas-on sa gikuptang posisyon, gidak-on sa kita o bahandi nga natigom.

Ikatulo kining lalis sa inadlaw-adlaw nga trabahoon sa balay labi na kung wa mama-ayo ang pagbahig sa mga ginbuhaton ug tulumanon. Puno ni Zamani kadtong banay nga dunay katabang/kasambahay nga makatabang sa mga ginbuhaton sa balay di kaayo magsige og dugsing o lalis ikumparar niadtong way masangpit. Siyempre, kapoy ug hago na gikan sa trabaho unya magluto, manglimpyo ug manglabada pa inig kaabot sa balay.

Ikaupat ang pagka addict sa mga gadgets sama sa cellular phone (cp), ipad o computer. Daghang mga kaminyuon o relasyon ang nangabungkag gumikan kay nanga-ungo sa ilang kalibutanhong mga hiramintas.

Imbis unta panahon nga mag loving-loving, tua na hinuon nagkalingaw pag FB. Ang resulta, selos nga way basihan ug away nga way hinungdan.

Katapusan ang pagpalayo kung mag-away imbis magprangkahay kay ang pares maka-ingon nga di na siya importante sa ilang relasyon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph