ANAA sa P250,000 nga premyo ang ilugan sa 14th Datba Kadayawan NBT Open Tournament nga moligid, Agosto 7 ngadto 11 sa SM Lanang Permier Bowling Center and Leisure.
Si Davao Tenpin Bowlers Association (Datba) president Rameses Tancontian nagsulti niini atol sa Davao Sportswriters Association (DSA) Forum sa The Annex of SM City Davao, Huwebes.
“The open masters champion will win P60,000. This is the standard cash prize for open tournaments while the next three placers will receive P30,000, P15,000 and P10,000,” sigun niya.
Mohatag sab og tropeyo.
Ang premyong kwarta anaa sa P7,000, P5,000, P3,000 ug P3,000 nga ihatag sa fourth, fifth, sixth ug seventh placers.
Dugang ni Tancontian nga ang tinuig nga bowling competition salmutan sa seniors, team, singles ug all events categories nga hatagan sab sa cash prizes, tropeyo ug medalya.
Ang seniors champion mokamada og P40,000 samtang ang runner-up modawat og P20,000.
Sunod nga upat ka mananaug mobulsa og P10,000, P8,000, P5,000 ug P3,000.
Dugang pa niya, “There are qualifying games before the top 36 will play eight games on August 11. Matira ang matibay.”
Di moubos sa 40 ka bowling clubs sa nasud suma pa makigtigi, diin siya malaumon nga mga Datba players mopakita’g maayong performance.
Si Philippine Sports Commission commissioner Charles Raymond Maxey mao sab ang dinapit nga keynote speaker atol sa opening program.