SINDIKATO sa ilegal nga drugas sa siyudad sa Sugbo wala pa hingpit nga mahagba tungod sa padayon kini gipamaligya sa mga binilango sa Cebu City Jail ug ubang mga presohan sa Metro Cebu.
Matod ni Cebu City Police Office (CCPO) director Royina Garma nga kung padayon nga makahupot og cellular phones ang mga drug suspects ug padayon sila nga makatawag sulod sa bilangoan, dili mapuhag ang problema sa ilegal nga drugas sa dakbayan sa Sugbo.
Iyang gibutyag nga ang ilegal nga drugas nga gikan sa gawas sa nasud dili makasulod sa nasud kung walay contact sa sulod sa mga bilangoan sama sa New Bilibid Prison sa kaulohan.
Ang mga binilanggo sa Cebu City Jail adunay koneksyon sa mga dagkong drug player sa NBP nga maoy mo supply paingun dinhi sa siyudad sa Sugbo.
“Kasama yan sa network kung pag-aaralan mo ang transaction sa droga. Ang transaction is galing po sa loob yung nakakulong lahat. Ang mga players dito sa local, hindi yan makabili ng derecho sa ibang bansa ng drugs, so they have to pass through layers. So ano ang transaction? From here, communicate sa mga nasa BJMP or sa mga jail facilities to Bilibid,” pasabot ni Garma.
Usa sa mga sugyot nga sulosyon ni Garma niini mao ang pagputol sa komunikasyon sa mga drug players sa sulod sa bilanggoan.
Ikaduha mao ang hugot nga pagbantay sa mga entry point paingon sa nasud sanglit makasulod ra ang mga sakayan sa mga isla nga dili mamatikdan sa mga otoridad.
Adunay mga pangalan ang CCPO kinsa kining mga drug player sa sulod sa City Jail nga ila nang giplanohan uban sa Bureau of Jail Management and Penology (BJMP) pag sumpo.
Wala lang una kini nganli ni Garma tungod kay nagpadayon pa ang ilang pakig alayon sa Cebu City Jail.
Sa P1.2 billion nga drugas nga nakuha sa Police Regional Office-Central Visayas (PRO 7) sobra sa katunga niini ang kapulisan sa siyudad sa Sugbo ang nakasakmit.
Matod ni Garma nga ang maong illegal nga drugas dili tanan alang sa siyudad sanglit gihimong tran-shipment ang dakbayan paingon sa mga silingang lugar.
Ang dul-an sa P700 Million nga ilang naimbargo gi kustodiya na sa PNP Crime lab ug misaad kini nga luwas ang maong mga ebedensya ug dili kini mahilabtan aron ibaligya pagbalik sa karsada.
Iyang gipasabot nga bisan adunay usa sa iyang mga sakop nga nadakpan nga mi recycle og shabu apan matod niya isolated lang kini ug gani gipasakaan na kinig kaso ug posibling mataktak na kini sa serbisyo sa Philippine National Police.
“Walang na re-recycle. I have imposed a strict policy on this at every time na mayrong lapses pinag-aaralan namin dito sa taas at gumagawa kami ng mga policy na magkaroon ng counter measure para hindi ma-tempt ang ating mga operatiba. Masipyat pero nakita nyo nga pinarosahan yung kasamahan naming,” dugang ni Garma.
Ang mga bag-ong sakop sa Drug Enforcement Unit sa dakbayan sa Sugbo gipasidan-an nang daan ni Garma nga dili magbinuang sa trabaho aron dili sayang ang ilang paningkamot nga madaot lang sa usa ka higayon. (AYB)