DUHA ka menor de edad nga dalagita nga nagpangidaron pag 14 ug 16 anyos lakip na ang usa ka 32-anyos nga lalake ang nasikop sa gihimong buy-bust operation Sitio Bangan, Barangay Cabancalan sa siyudad sa Mandaue niadtong Biyernes sa hapon, Hulyo 5, 2019.
Gisikop sa mga sakop sa Station 6 sa Mandaue City Police Office (MCPO) silang Epifanio Cubong Gabayan alyas “Panyong”, 32, taga Candarong, Barangay Pulang-bato, dakbayan sa Sugbo ug silang Alyas Jane, 16 anyos ug alyas Heart, 14 anyos, pulos mga tinun-an sa high school sa maong lugar.
Nakuhaan ang tulo ug 14 ka putos sa gituohang shabu human mapalitan sa usa ka police nga nagpatuong customer ni Gabayan.
Ang duha ka menor de edad gipaubos pa sa imbestigasyon inabagan sa Department of Social Welfare and Development (DSWD) nunot sa ka linghod pa sa ilang pangidaron.