WALA madayon ang duwa tali sa New York Knicks ug New Orleans Pelicans sa National Basketball Association (NBA) Summe League sa Thomas & Mack Center sa Las Vegas, USA gumikan sa linog nga mitay-og sa Southern California kagahapon (RP time).
Nahunong ang duwa sa Pelicans ug Knicks sa nahab iling 7:53 minutos diin niadtong higayuna, naglabaw ang Pelicans, 80-74. Atol sa paglinog, nagtuyatuya ang dakong scoreboard sa tungatunga ug ibabaw nga bahin sa venue.
Nakadesisyon ang NBA nga dili na lang tiwason ang duwa ug ihatag sa Pelicans ang kadaugan.
Ning kombatiha, nipakita og aksyon sa labing unang higayon si Zion Williamson isip No.1 overall pick sa Pelicans ug hasta si RJ Barrett isip No.3 overall pick sa Knicks. AP