NAKATILAW og kastigo ang Gilas Pilipinas Youth batok sa Australia, 82-60, kagahapon sa classification stage sa FIBA U19 World Cup sa Heraklion University Hall sa Greece.
Sa sayong bahin pa lang sa duwa, nalubong na dayon ang Gilas Youth ug kanunay na lang kining naggukod hangtod sa katapusang gutlo.
Gisugdan sa Australia ang kombati pinaagi sa 11-0 run ug wala na kini molingi pagbalik.
Ang Gilas Youth nakaangkon sa ikalima nilang sunodsunod nga kapildihan sa samang gidaghanon nga mga duwa.
Ning puntoha, ang labing taas na lang nga maabot sa Gilas Youth sa torneyo mao ang ika-13 nga luna.
Ang Gilas Youth gipangulohan ni Sean Ildefonso pinaagi sa iyang 13 puntos samtang niamot og 12 puntos ug 12 sab ka rebounds ang batan-ong higante nga si 7’2” kai Sotto.
Sa sunod nilang, ang Gilas Youth makigbatok sa lig-on sab nga China. ESL