ANG Department of Social Welfare and Development Field Office (DSWD FO) VII nanawagan sa publiko sa pagtabang sa pagtultol sa mga ginikanan o kabanay sa mga bata nga ubos sa ilang pag-atiman karon.
• Ang kaluha nga si Donnalyn Diaz Genterone, 2 anyos, babaye, natawo niadtong February 1, 2017 ug ni Donna Diaz Genterone 2 anyos, babate natawo niadtong February 1, 2017 sa Cebu Provincial Hospital, lungsod sa Balamban.
Nagpangidaron ug lima ka bulan ang mga bata sa panahon nga sila gibiyaan sa ilang inahan. Ug ni adtong Oktubre 17, 2017 gidala sa buhatag sa Municipal Social Welfare and Development Office of Balamban, Cebu si Donnalyn ug Donna sa ilang iyaan nga si Janneth Genterone para temporaryong maamumahan ug mapatambalan tungod malnourishment. Ug niadtong adlawa usab gi-emergency placed ang kaluha sa usa ka foster family.
• JL Sabanal, lalaki, 3 anyos, natawo sa Barangay Ermita, Cebu City, Cebu ni-adtong Agusto 8, 2015. Si JL gi-refer sa Cebu City Medical Center didto sa Asilo de la Milagrosa, Cebu City aniadtong Nobiyembre 26, 2017 para temporaryong maamumahan. Ug niadtong Nobiyembre 9, 2018 si JL gibutang sa foster home para indibidwal nga maamumahan sa foster family.
• Lola o mga paryente ni Tristan Masbate, lalaki, 3 anyos, natawo sa Cebu Provincial Hospital, Bogo City Cebu kani-adtong May 11, 2016. Si Tristan gi-refer sa Municipal Social Welfare and Development Office of San Remigio didto sa Reception and Study Center for Children (RSCC), Department of Social Welfare and Development, Labangon Cebu City niadtong Mayo 18, 2016 para temporaryong maamumahan. Ug ni adtong Hunyo 3, 2017 si Tristan gibutang sa usa ka foster home para indibidwal nga ma amumahan sa usa ka pamilya.
• Alex Gutual, 3 years old, natawo kani-adtong April 10, 2016 ug Lawrence Gutual 1 year old, natawo kani-adtong March 10, 2018. Si Alex Gutual gi-rescue ni PO1 Sherwin Barete sa Dumaguete, Negros Oriental pag April 16, 2016 samtang si Lawrence gi-rescue sa City Social Welfare and Development Office sa Dumaguete City, Negros Oriental pag March 27, 2018 human sila gipasagdan sa ilang inahan nga si Blendie Miguel Gutual a.k.a. Ana Gutual. Sila girefer sa Bata ng Calabnugan Inc., Dumaguete City, Negros Oriental para temporaryong maamumahan. Ug ni adtong Disyembre 15, 2017 si Alex, ug pag Marso 28, 2019 si Lawrence gibutang sila sa usa ka foster home para indibidwal nga ma amumahan sa usa aka pamilya.
• Andrian Cab ahaug, Jr., 6 anyos, lalaki,natawo sa Cebu City Medical Center, Cebu City niadtong Pebrero 10, 2013. Si Andrian gi-refer sa Anti-Mendicancy Team, Department of Social Welfare and Services Office, Cebu City kaniadtong Marso 1, 2018 sa Parian Drop-in Center, Sikatuna St., Parian, Cebu City para temporaryong maamumahan. Si Andrian nakit-an nilang naglakaw-lakaw sa kalsada sa Cebu City. Ug ni adtong Septiyembre 18, 2018 si Andrian gibutang sa usa ka foster home para indibidwal nga ma amumahan sa usa aka pamilya.
• Usa ka bata nga lalaki nga gibanabana nga bag-ong natawo nakit-an ni Ma. Susan Cape Alemania kani-adtong Pebrero 15, 2018 sa alas kwatro sa buntag sa iyahang balay sa Interior Road, Sangi, Pajo, Lapu-lapu City.
• Usa ka bata nga babae nga gibanabana ug 11 (onse) ang pangidaron nga nakit-an ni SPO2 Edgar Friolanita, nagtrabaho sa Police Station 5 Barangay Ermita. Ang maong bata nakit an sa San Jose Recolletos, Magallanes Street, Barangay Ermita, Cebu City niadtong Abril 10, 2017 nga naglakaw lakaw nga siya lang isa. Ang bata dili maka istorya kung kinsa iyang mama og papa.
Kinsa kadtong dunay kahibalo o paryente niining mga bata, palihug pakigkita o motawag sa 232-1192 loc. 124 ug pangita nila ni Rachel V. Solatori ug Ivy Marie V. Semblante, Social Workers sa DWSD FO VII sa M.J Cuenco Avenue Corner Gen. Maxilom Avenue, Brgy. Carreta, Cebu City
Kon walay motunga nga ginikanan o paryente sa bata sulod sa tulo ka bulan, ang bata ipaubos sa “legal abandonment” pinaagi sa DSWD Central Office. (PR)