SUPERBALITA DAVAO

DCPO adunay bag-ong hepe

DIGOS CITY -- Sa pagkambyo sa administrasyon sa lokal nga gobyerno, gihulipan sab ang hepe sa Digos City Police Office (DCPO) niadtong Huwebes sa miaging semana.

Gihulipan na sa iyang pwesto si Police Lieutenant Colonel Deozar Almasa ngadto sa officer-in-charge nga si Police Lieutenant Colonel Ernesto Castillo, kinsa mao ang kanhi traffic head sa Davao City Police Office.

Sa paglingkod ni Mayor Josef Cagas niadtong Hunyo 30 sa hapon, gitambongan sab dayon niini ang turnover of command sa DCPO.

Si Almasa ang nahimong hepe sa dakbayan sukad tuig 2017, ilawom sa administrasyon ni kanhi Mayor Joseph Peñas.

Dako sab ang pasalamat ni Almasa sa mga ginsakpan human daghang ronda ang ilang nahimo batok sa illegal nga drugas ug pagsikop sa mga notadong kriminal diin aduna'y orden de aresto.

Apil nga gipasalamatan niini ang lokal nga gobyerno human siya nahatagan og kahigayonan nga maka-serbisyo sa mga Digoseñue.

Dakong hagit sa bag-ong hepe ang pagdawat sa bag-ong tahas nga gisangon kaniya sa ilang mga kadagkuan ilabi pa sa nagapadayong kampanya batok illegal nga drugas.

Ang Police Provincial Director nga si Police Colonel Alan Manibog nagmando gilayon sa bag-ong hepe nga ipadayon ang pagukod sa mga dautang elemento ug mas pahugtan pa ang pagmintinar sa kahapsay ug kalinaw sa dakbayan.

Gidason ni Manibog nga si Almasa gitakdang madestino sa Police Regional Office-Davao.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph