USA ka nindot nga concert experience ang pag-join force sa upat ka divas.
Subay sa selebrasyon sa 50th year sa Davao Doctors Hospital, gidala nila ang upat ka inilang singers sa nasud dinhi, sila Angeline Quinto, Kyla Alvarez, KZ Tandingan, and Yeng Constantino, alang sa usa ka charity concert, Miyerkules, Hulyo 3 sa SMX Convention Center sa Lanang, Davao City.
Gitawag nga Divas Charity Concert, ang upat ka singer mibirit sa nagkadaiyang kanta nga mipa-wow sa Dabawenyo fans.
Ang show gisugdan sa front act nga si Heart Salvador, Voice Kids season 3 artist.
Nagsugod na ang hiyawan ug palakpakan sa pagrampa sa upat nga unang mibirit sa ilang version sa “I Will Survive” by Gloria Gaynor.
Ang fans wa lamang nalingaw sa nagkadaiyang songs sa upat, apan nalingaw sab sila sa ilang makadasig ug witty nga punch lines.