SUPERBALITA CEBU

Outsourcing sa hospital personnel ibalik ni Gwen

"FROM now on, I'm telling you, wa nay backer-backer."

Mao kini ang gisulti ni Gob. Gwen Garcia, nga seryuso naghunahuna nga ibalik sa outsourcing ang paagi sa pagkuha og mga empleyado sa Kapitolyo labi na sa mga provincial ug district hospitals ug wagtangon ang padrino system sa iyang administrasyon.

Sa wa pag-renew sa sobra katunga sa 2,922 ka mga job order (JO), casuals ug contract of services (COS) nga mga empleyado, makadaginot og P31 milyones matag buwan, ang Kapitolyo.

Matod ni Garcia, halos di makadisiplina ang chiefs of hospitals sa mga JO kay gipaluyohan og gamhanang mga "backer."

“Ang mahitabo and this was also confirmed by the chiefs of hospitals, inig abot didto sa hospital, halos dili makadisiplina or even tell kadtong mga powerfully backed nga mga JO og unsay ilang buhaton and unsay resulta? Ni-degenerate ang services sa hospitals,” sumala sa gobernador.

Sa naunang administrasyon ni Garcia, outsourcing usab ang paagi sa pag-hire sa ubang mga empleyado sa Kapitolyo ug sa provincial ug district hospitals, apan gihunong kini sa administrasyon ni kanhi gobernador ug karon Bise Gob. Hilario Davide III.

Duha sa service providers mao ang Mandaue Integrated Manpower Services (MIMS) alang sa janitorial services ug Powerline Services, sister company sa MIMS alang clerical ug paramedical services nga gipanag-iya sa pamilya ni Provincial Board Member Glenn Anthony Soco.

Si Garcia nibutyag daghan og mga reklamo ang mga Sugbuanon nga tua sa kalungsuran batok sa serbisyo sa provincial ug district hospitals.

Sigon sa gobernador kon dunay reklamo batok sa doktor, nurses o ubang health workers, dali ra kini mapailisan sa service provider.

“Basta kon dunay sa’ ilisdan dayon kay pinaka basic rule gyud nako sa tanang hospitals ron, “ayoha og tagad ang mga pasyente. Kinahanglan tua mo, trabaho mo, tagai intawo’g serbisyo ning atong mga (Sugbuanon) labi na ang mga pobre gyud intawon kaayo,”” pamulong sa labing unang babayeng gobernador.

Kon dunay ma-absent nga doktor, nars o health worker, ang service provider na ang mangita og ipuli niini.

Sumala ni Garcia kon unsay bakante nga position mao ra ang iyang pabutangan aron di mausik ang kwarta sa kagamhanan sa lalawigan.

“Moadto og hospital, mahibung ka ang plantilla position unom ka nurses, unya kon vacant man na it goes without saying nga unom ang imong JO, di ba? Pero 28 ka nurses unya inig adto, way nurse. Kon ang plantilla position walo ka medical specialists sa lista, nana ha sa atoang provincial hospitals, pero ang ilang gibutang under contract of service 38 kabuok, pero inig adto, way doktor,” nagkanayon ang gobernador.

Sa pagsugod sa administrasyon ni Garcia, kapin sa 1,000 gikan sa 2,922 ka temporaryo nga mga empleyado sa Cebu Provincial Government ang gilugwayan ang mga kontrata sud sa duha ka buwan sugod niadtong Hulyo 1.

Ang gobernador nitug-an base sa computation kadtong nawala nga mga empleyado sa provincial ug district hospitals, makatigom sila og P31 milyones matag buwan.

“In one year, that’s over P360 million. We could very well spend that in improving our hospital facilities. Even in providing more free hospitalization under the Universal Philhealth Law, libre na baya. Unya magasto na nato more prudently nga dili mahurot man lang og panweldo og mga tawo nga di nimo hikit-an,” dugang ni Garcia.

Dihang nahinabi niya ang chiefs of hospitals sa miaging semana, nalipay kini kay dili na magapos ang ilang mga kamot nga magpang-ikog og disiplina sa mga JO sa mga ospital. (B)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph