MAY bag-o nang pangu ang Department of Environment and Natural Resources (DENR) sa Central Visayas.
Pormal nang milingkod isip DENR 7 executive director si Paquito Melicor Jr.
Siya kanhi nagsilbi isip Director III sa DENR sa kaulohan.
Ang turnover gihimo niadtong Miyerkules sulod mismo sa compound sa buhatan sa DENR-7 didto sa Sudlon.
Gipulihan ni Melicor si Engr. Gilbert Gonzales kinsa milingkod isip DENR 7 executive director sulod sa usa ka tuig ug lima ka bulan.
Si Gonzales gitudlo isip DENR Assistant Secretary alang sa South Luzon ug nisilbi sad ug concurrent capacity isip regional executive director sa CALABARZON region.
Mismo si Juan Miguel Cuna, DENR Undersecretary for Field Operations, ug Marcial Amaro, DENR assistant secretary for the Visayas, ang nangulo sa seremonya diin giubanan usab sila ni Eduardo Inting, DENR 7 assistant director for Technical Services, ug si Trinidad Etulle, DENR 7 assistant director for management services.