Bus vs motorized sikad, 2 patay

DUHA ang nakabsan sa kinabuhi sa ngilngig nga aksidente sa dalan dihang nagsungag ang bus ug motorized sikad mga alas 2:10 sa hapon sa adlawng Biyernes sa Barangay Kabulawan, lungsod sa Lagonglong, Misamis Oriental.

Dead on arrival ang driver sa motorsikad nga giilang si Efrain Cabigon, taga Riverside 2, lungsod sa Salay, Misamis Oriental, ug nakabsan sa kinabuhi pila ka oras ang nilabay ang laing sakay sa motorsikad nga si Anecia Juridico, 50, lumad nga taga Bankerohan, Davao City.

Samdan ug pabiling giobserbahan sa mga doktor sa Misamis Oriental Provincial Hospital sa lungsod sa Balingasag ang laing mga biktima nga mao sila si Chen C. Baldesanso, 17; Editha Baldesanso, 25; Francis Juridico ug usa ka Hilbert Aricayos.

Sa inisyal nga imbestigasyon sa Lagonglong Police Station, nasuta nga padulong sa este nga bahin ang Pabama bus nga gimaneho ni Raymundo Mendoza, 40, lumad nga taga Barangay 18A Gingoog City.

Ang nakasaksi nga si Rachel Sta. Rubia niasoy nga iyang nakita ang motorsikad nga kalit lang mi-uturn hinungdan maayong pagkasapon sa bus.

Dili tiaw ang mga samad ug bun-og nga naangkon sa biktima niadtong tungora nga moadto lang unta sa sentro nga bahin aron mopalit og bulak sa ilang kabanay nga namatay rason sab nahidangat sa dapit.

Sa pagkakaron, ang driver sa bus detinado na sa Lagonglong Police Station kinas gitakdang mag-atubang og kasong reckless imprudence resulting to multiple homicide, serious physical injury ug damage to property.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph